फिरत्या चाकावरती देसी मातीला आकार

गीत - ग. दि, माडगूळकर
संगीत - सुधीर फडके
स्वर - सुधीर फडके
कलाकार शाहीर अमरशेख
चित्रपट - प्रपंच (१९६१)
राग - तिलककामोद, देस (नादवेध

फिरत्या चाकावरती देसी मातीला आकार
विठ्ठला, तू वेडा कुंभार !

माती, पाणी, उजेड, वारा
तूच मिसळसी सर्व पसारा
आभाळच मग ये आकारा
तुझ्या घटांच्या उतरंडीला नसे अंत, ना पार !

घटाघटांचे रूप आगळे
प्रत्येकाचे दैव वेगळे
तुझ्याविना ते कोणा नकळे
मुखी कुणाच्या पडते लोणी, कुणा मुखी अंगार !

तूच घडविसी, तूच फोडिसी
कुरवाळिसि तू, तूच ताडीसी
न कळे यातुन काय जोडीसी ?
देसी डोळे, परि निर्मिसी तयांपुढे अंधार !

Видео फिरत्या चाकावरती देसी मातीला आकार канала dipiaarmarathi