Баходир Жалолов, Улуғбек Рашитов, Акбар Жўраев ва Бошқа Олимпиада Чемпионлари Тантанали Кутиб Олинди

8 август куни ТОКИО-2020 ёзги олимпия ўйинлари ўз ниҳоясига етди. Унинг натижаларига кўра Ўзбекистон 3 та олтин ва 2 та бронза медаллари билан 32-ўринни эгаллади. Марказий Осиё давлатлари орасида эса биринчиликни сақлаб қолди.
9 август санасида Тошкент халқаро аэропортига Ўзбекистон олимпия делегациясини кутиб олиш учун бош вазир Абдулла Арипов, сенат раиси Танзила Норбоева ва спортчиларнинг ота-оналари ва яқинлари, шунингдек, ОАВ вакиллари чиқишди.
Токио-2020 ёзги олимпия ўйинларида иштирок этган Ўзбекистон делегацияси учун махсус концерт дастури бўлиб ўтди. Унда Озодбек Назарбеков, Юлдуз Усмонова ва Ёдгор Саъдиев каби юртимиз санъаткорлари Токио 2020 чемпионларини қутлашди.
Тадбирдан сўнг делегация икки қаватли автобусларда Тошкент шаҳрининг марказий кўчалари бўйлаб Миллий Олимпия қўмитаси биносига йўл олди. МОҚ биноси олдида совриндор спортчиларга президент совғалари топширилди.
Олтин медал соҳиблари Баходир Жалолов, Акбар Жўраев ва Улуғбек Рашитовга Таhoe автомобили, 200 минг АҚШ доллари ва 3 хонали ҳовли, бронза медали совриндорлари Давлат Бобонов ва Бекзод Абдуранхмоновга эса Trailblazer автомобиллари, 50 минг АҚШ доллари ва квартира калитлари топширилди.

____________________________________________

8-avgust kuni TOKIO-2020 yozgi olimpiya oʻyinlari oʻz nihoyasiga yetdi. Uning natijalariga koʻra Oʻzbekiston 3 ta oltin va 2 ta bronza medallari bilan 32-oʻrinni egalladi. Markaziy Osiyo davlatlari orasida esa birinchilikni saqlab qoldi.
9-avgust sanasida Toshkent xalqaro aeroportiga Oʻzbekiston olimpiya delegatsiyasini kutib olish uchun bosh vazir Abdulla Aripov, senat raisi Tanzila Norboyeva va sportchilarning ota-onalari va yaqinlari, shuningdek, OAV vakillari chiqishdi.
Tokio-2020 yozgi olimpiya oʻyinlarida ishtirok etgan Oʻzbekiston delegatsiyasi uchun maxsus konsert dasturi boʻlib oʻtdi. Unda Ozodbek Nazarbekov, Yulduz Usmonova va Yodgor Saʼdiyev kabi yurtimiz sanʼatkorlari Tokio 2020 chempionlarini qutlashdi.
Tadbirdan soʻng delegatsiya ikki qavatli avtobuslarda Toshkent shahrining markaziy koʻchalari boʻylab Milliy Olimpiya qoʻmitasi binosiga yoʻl oldi. MOQ binosi oldida sovrindor sportchilarga prezident sovgʻalari topshirildi.
Oltin medal sohiblari Baxodir Jalolov, Akbar Joʻrayev va Ulugʻbek Rashitovga Tahoe avtomobili, 200 ming AQSH dollari va 3 xonali hovli, bronza medali sovrindorlari Davlat Bobonov va Bekzod Abduranxmonovga esa Trailblazer avtomobillari, 50 ming AQSH dollari va kvartira kalitlari topshirildi.
Шунингдек томоша қилинг:

Humo Arenada Profesional Boks 2021: Ahmadaliev, G‘iyosov, Do‘smatov, Jalolov G'alaba Qozondilar!
https://www.youtube.com/watch?v=SpkkP...

Ҳумо Аренадаги Бокс Кечасидан: Вазн Ўлчаш ва Матбуот Анжумани
https://www.youtube.com/watch?v=1tw5i...
Расмий сайт http://kunutun.uz
Инстаграм: https://www.instagram.com/kunutun.uz/
Фейсбук: https://www.facebook.com/kunutun.uz
Телеграм: https://t.me/kunutunuz

Видео Баходир Жалолов, Улуғбек Рашитов, Акбар Жўраев ва Бошқа Олимпиада Чемпионлари Тантанали Кутиб Олинди канала Kunutun TV