Фейк! Желіде жалған ақпарат тарату заңмен қудаланады

Елдегі елең алаңды пайдаланып жағдайды өз мақсаттарына пайдаланушылар көбейген. Алматының өзінде полиция қызметкерімен деп азаматтардан ақша бопсалап, дүкендерден қажетінше азық-түлік әкеткен күдіті ұсталды. Бұл берісі. Әрісі Нығматулиндер отбасы дүние-мүлкін сатып Нұрлан Нығматулиннің Лондонға көшкені және оған тиесілі барлық нысандар мен бизнестер сатылымға шығарылғандығы туралы ақпарат тараған еді. Әйтседе мәжілістің экс - төраға Нұр-Сұлтандағы кинотеатрлардың бірінде немересімен көзге түсті. Жел тұрмаса шөптің басы қозғалмайды деуіңіз мүмкін. Десе де өзіңіз бен өзгелерге зияны тимесін десеңіз әр ақпаратты бір тексеріп алғаныңыз абзал.
Мәжілістен кеткелі көрінббеген экс-төраға, телеграм арналардың бірінде өзінің Елордада екенін көрсетті. Осыған дейін шетел асты деп дауға қалған ол, отбасыммен қыдырып, жылдар бойы көрмеген сыныптастарымен кездескенін айтты. Бұдан бөлек, желіде премьер-министр Әлихан Смайыловтың үкімет отырысына тағып келген сағаты туралы да ақпарат тарады. Әлеуметтік желілердің бірінде оның бағасы 5 мың доллар деп бағаланса, бірі 8 мың доллар екенін жазды. Алайда, сағат әлдеқайда арзан болып шықты. Премьер-министр кеңсесі басшысының орынбасары өзінің фейсбук парақшасында "сағаттың негізгі құны 383 доллар" деп, ақпаратты жоққа шығарды.
МҰХТАР ТҮМЕНБАЙ, сарапшы:
– Әрбір азамат қолына түскен ақпаратты жерден жеті қоян тапқандай бірден эфирге немесе желіге шығара салмай, өзінің ой елегінен өткізіп, ақпартты тексеріп қана беріп отырса, сол кезде ғана белгілі бір ақпартты тарату мәдениеті қалыптасады. Онсыз біз даурыққан күйі даурыға береміз.
Бұдан өзге де ел арасында іріткі тудырған фейк ақпараттар қаңтардағы жаппай тәртіпсіздік кезінде көп тарады. Алматы мен Нұр-Сұлтанда коммуникациялар өшіріледі және суға у қосқан деген ақпарат тараған. Одан бөлек белгісіз біреулердің Алматы маңындағы әскери био зертхананы басып алған деген де жалған ақпары да тұрғындарды дүрліктірген болатын.
ЭЛЬМИРА ШАУЛЕНОВА, Нұр-Сұлтан қалалық Полиция департаменті баспасөз қызметінің жетекшісі:
– Әлеуметтік желілерде тұрғындардың құжаттарын тексереміз деген желеумен белгісіз азаматтар пәтерлерді тонап жатқаны туралы. Сонымен қатар Елордаға 2000 тәліптің келе жатқандығы туралы шындыққа жанаспайтын жалған ақпараттар тарады. Оларға дер кезінде жауап беріліп, жалған ақпарат тарату үшін қылмыстық жауапкершілік көзделгені туралы айтылды.
Қылмыстық кодексте қоғамдық тәртіпті бұзу мақсатында жалған ақпарат таратқандарға 1 жылға дейін бас бостандығынан айыру жазасы қарастырылған.
Ақбота Базарбай
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#жалған_ақпарат #фейк

Видео Фейк! Желіде жалған ақпарат тарату заңмен қудаланады канала Информбюро 31