ಇದ್ದಂಗಿದ್ರೆ ಇಟ್ಟಂಗಿದ್ರೆ ಬುದ್ನಂಗಾಯ್ತಾರಂತಪ್ಪಾ..

ಗೆಳೆಯರೇ, ಈ ಹಾಡನ್ನು ಬರೆದು ಎಂದಿನಂತೆ ವಾಟ್ಸಾಪ್ ನಲ್ಲಿ ಎಲ್ಲ ಮಿತ್ರರಲ್ಲಿ ಹಂಚಿಕೊಂಡಾಗ ಪ್ರತಿಬಾಣದಂತೆ ಕೀರ್ತಿಶೇಷರಾದ ಲ ನಾ ಶಾಸ್ತ್ರಿಗಳು ಕ್ಷಣಗಳಲ್ಲಿ ರಾಗ ಹಾಕಿ ಅತ್ಯದ್ಭುತವಾಗಿ ಹಾಡಿ ಕಳುಹಿಸಿದ್ದರು. ಇನ್ನೂ ಹತ್ತು ಸಾಲು ಸೇರಿಸಲು ಹೇಳಿದ್ದರು. ಆ ಮಹಾ ಗಾಯಕರಿಗೆ ಅವರದೇ ರಾಗಸಂಯೋಜನೆಯಲ್ಲಿ ಈ ಹಾಡನ್ನು ಅರ್ಪಣೆ ಮಾಡಲು ನಿರ್ದರಿಸಿದ ನಮ್ಮ ಈ ತಂಡ ಈ ಹಾಡನ್ನು ನಿಮ್ಮ ಮುಂದಿಟ್ಟಿದೆ. ಧನ್ಯವಾದ.

ಇದ್ದಂಗಿದ್ರೆ ಇಟ್ಟಂಗಿದ್ರೆ
ಬುದ್ನಂಗಾಯ್ತಾರಂತಪ್ಪಾ..
ಏನ್ಬೇಕಂದ್ರೂ ಏನ್ಬೇಡಂದ್ರೂ
ದುಃಖ ಬರ್ತೈತಂತಪ್ಪಾ
ಬಿದ್ದವರ್ನೆತ್ತಿ ಹೆತ್ತವ್ರ್ನ ಸಲ್ಹಿ
ಕೊಟ್ಟವ್ರ್ನ ಕೊಂಡಾಡಬೇಕಂತೆ
ಕೊಟ್ಟದ್ದ್ ಮರ್ತು ಇಟ್ವ್ರ ನೆನ್ದು
ಹಂಚ್ಕೊಂತಿಂದ್ರೆ ಬದುಕಂತೆ
ಬಂದದ್ ಬರ್ಲಿ ಹೋದದ್ ಹೋಗ್ಲೀ
ಬೆಳದದ್ ತಿನ್ನೋನೇ ರೈತ
ಅಪ್ಮಾನಾ ಬಿಚ್ಕೊಂಡ್ ಮಾನಾ ಮುಚ್ಕೊಂಡ್
ಸಮ್ಮಾನ ಒದ್ದೋನೇ ಸಂತ
ಅಳ್ತಾ ಉಟ್ಬುಟ್ ಆಳ್ತಾ ಬದ್ಕಿ
ನಗ್ತಾ ಸಾಯೋನೇ ವೀರ
ದೇಹಾನ್ಬೆಳ್ಸಿ ದೇಶಾನ್ಕಟ್ಟಿ
ದೇವನೂರ್ಗೋದೋನೇ ಧೀರ
ಮುನ್ಸಿಲ್ದೋನು ಮನ್ಸ್ ಹಿಡ್ಕೊಂಡು
ಗರ್ಬಿಟ್ಟೋನೇ ಗುರು ಕಣೋ
ಮಣ್ಣಲ್ಚಿನ್ನ ಹೊನ್ನಲ್ಮಣ್ಣ
ಕಂಡಂತ ಕಣ್ಣೆ ಚೆನ್ನ ಕಣೋ
ಚಿಣ್ಣರೊಡ್ನಾಡಿ ನೊಂದವ್ರಕೂಡಿ
ಗಡಿಯಲ್ಮಡಿದವ್ರ ಕೊಂಡಾಡಿ
ದಿಟಗಳ್ನುಡಿದು ನುಡಿದಂಗ್ನಡೆದು
ಅಡಿಕಿತ್ತಡಿಯಿಡುವಡಿಗೆನ್ನಮುಡಿ.
: ಅಹೋರಾತ್ರ

Видео ಇದ್ದಂಗಿದ್ರೆ ಇಟ್ಟಂಗಿದ್ರೆ ಬುದ್ನಂಗಾಯ್ತಾರಂತಪ್ಪಾ.. канала Ahoratra ಅಹೋರಾತ್ರ