Көпір құрылысы

Бұқтырма су қоймасы арқылы өтетін көпір құрылысының жұмысы қарқынды. Өңірдің үш бірдей ауданын байланыстыратын нысанды 2025 жылы халық игілігіне беру жоспарланған. Мердігер «ОблШығысЖол» ЖШС. Құрылыс алаңындағы мамандардың қал-ахуалымен арна тілшісі Медет Жұмабай танысып қайтты.
Қазіргі уақытта осы құрылыс алаңында 280 адам қызмет етеді. Олар Қазақстанның әр аймағынан келген мамандар.
Нұрдаулет Смағұлов Семей қаласының тұрғыны. Құрылыс саласында қызмет қылып жүргеніне 25 жыл. Қарт құрылысшының қауқары әлі қайтпаған. Еңбегім елім үшін, дейді. Мұндағы қал-ахуалдарының жақсы екенін айтады.

Мұнда құрылысшылар үшін 3 уақыт ас-ауқат әзірленеді. Күнделікті адам бойына күш-қуат дарытарлық дәруменге толы тағамдар беріледі. Жұмыскерлер өздері үшін барлық жағдай жасалғанын айтады. Жатын орындарымызда тегін дейді. Әр мамандықта қызмет ететін жігіттердің мақсаттары өз істерінен кемшілік жібермеу.

Видео Көпір құрылысы канала ALTAI TV