Yekun xəbərlər 29.11.2020 (Xəbər Saatı) Xankəndi və Xocalıdan GÖZLƏNİLƏN XƏBƏR!

Rusiyanın Şərq Hərbi Dairəsinin 60-dan çox cərrah, anestezioloq-reanimatoloq, terapevt və epidemioloqlardan ibarət ilk həkim qrupu Xankəndiyə göndərilib.
Publika.az xəbər verir ki, bu barədə Rusiya Müdafiə Nazirliyi məlumat yayıb.
Nazirlik İl-76 təyyarələri ilə gətirilən həkim qrupunun Uzaq Şərqdən Dağlıq Qarabağa yola düşdüyünü bildirib.
Həkim heyəti yerli əhaliyə yardım göstərəcək
Beynəlxalq Qırmızı Xaç Komitəsinin əməkdaşı Əfqanıstanın Vardak əyalətində naməlum şəxslər tərəfindən oğurlanıb.
Publika.az Axar.az-a istinadla xəbər verir ki, bu barədə “Ariana Nyus” məlumat yayıb.
Bildirilib ki, komitənin əməkdaşı şənbə günü oğurlanıb və hazırda onun tapılması istiqamətində işlər aparılır.
Hələlik heç bir qruplaşma oğurluqla bağlı məsuliyyəti üzərinə götürməyib.
Fövqəladə hadisə baş verməsə, Ermənistan dekabrın 1-də Laçını Azərbaycan Ordusuna təhvil verməlidir. Üçtərəfli razılaşmanın 6-cı bəndində deyilir ki, Laçın koridoru Dağlıq Qarabağla Ermənistan arasında əlaqəni təmin edəcək. Bununla belə, Şuşa şəhərinə toxunmayacaq Laçın dəhlizi (5 km. enliyində) Rusiya sülhməramlı kontingentinin nəzarəti altında qalır.
Tərəflərin razılığı əsasında növbəti üç il ərzində Dağlıq Qarabağla Ermənistan arasında əlaqəni təmin edən Laçın dəhlizi üzrə yeni hərəkət marşrutunun inşası planı müəyyən ediləcək və bununla da həmin marşrutun mühafizəsi üçün də Rusiya sülhməramlı kontingentinin yerləşdirilməsi nəzərdə tutulur.
Bu o deməkdir ki, xoşumuza gəlsə də, gəlməsə də, yaxın 3 ildə Azərbaycan vətəndaşları və Qarabağda yaşayan erməni əhali Laçın yolundan birgə istifadə etməlidirlər. Burada heç bir alternativ yoxdur.
Məlumdur ki, İrəvandan Xankəndiyə (və ya əksinə) gedən ən qısa yol Laçın dəhlizindən keçir. Burada bir mühüm məqama da aydınlıq gətirmək lazımdır. Razılaşmada deyilir ki, Laçın koridoru Dağlıq Qarabağla Ermənistan arasında əlaqəni təmin edəcək və bununla belə, Şuşa şəhərinə toxunmayacaq. Qarabağı Ermənistanla birləşdirən yola bələd olmayanlar bu məqamla bağlı bəzi haqlı suallar verirlər. “Şuşaya toxunmayacaq” razılaşması nə deməkdir?
Məlumat üçün deyək ki, İrəvandan Xankəndiyə getmək üçün (və ya əksinə) Şuşa şəhərinə daxil olmağa zatən ehtiyac yoxdur. Bu sovet dönəmində də belə idi. Yerli əhalinin “Alt yol” dediyi yol Laçın istqamətindən gələndə Şuşanın girəcəyindədir (Həmin fotonu təqdim edirik). Xankəndidən İrəvana gedənlər (və ya İrəvandan gələnlər) Şuşaya daxil olmağa ehtiyac duymurdular. Amma bildirək ki, “Alt yol”dan istifadə edənlər - həm Ermənistana gedənlər, həm Xankəndiyə gələnlər - faktiki Şuşanın inzibati ərazisindən keçirlər. 10 noyabr anlaşmasında “Şuşaya toxunmayacaq” deyəndə məhz söhbət ondan gedir ki, ermənilərin bu tarixi şəhərimizin içərisinə daxil olaraq Laçın yoluna çıxması (və ya Xankəndiyə getməsi) qadağındır. Hələ dinc dövrlərdə də ermənilər Şuşada işləri olmazsa, heç vaxt şəhərin içindən keçərək Laçın yoluna istiqamətlənməzdilər.
Amma burada bir maraqlı məqam da var. Bu, Xankəndi-Şuşa arasındakı 11 kilometrlik məsafənin kimin nəzarətində olması ilə Serj Sarkisyan 2016-cı ildə Qarabağ ətrafındakı 7 rayonun təhvil verilməsinə çağırıb və Xankəndinin itirilməsinin mümkünlüyü barədə xəbərdar edib.
“Yeni Sabah” xəbər verir ki, bu açıqlama ilə Qarabağ separatçılarının "parlamenti"nin spikeri Artur Tovmasyan çıxış edib.
"2016-cı il Aprel müharibəsindən sonra Ermənistanın üçüncü Prezidenti Serj Sarkisyan və Dağlıq Qarabağın o zamankı başçısı Bako Saakyan yerli parlamentin 22 üzvü ilə görüşdülər. Serj Sarkisyan bizi 7 bölgənin təhvil verilməsi barədə razılıq verməyə çağırdı. Biz Madrid prinsiplərinin erməni xalqının köklü maraqlarını ifadə etmədiyini söylədik. O bildirdi ki, siz "Kars, Kars" mahnısını dəfələrlə dinləmisiniz və Madrid prinsiplərini qəbul etməkdən imtina etsəniz, o zaman bir gün "Stepanakert, Stepanakert" (Xankəndi - red.) mahnısını eşidəcəksiniz. O, bunu qəfldən dedi", - Artur Tovmasyan "infoport.am" nəşrinə bildirib.
A.Tovmasyan 9 noyabrda Stepanakertin boş olduğu və Azərbaycan Ordusunun şəhərdən bir neçə kilometr məsafədə yerləşdiyi zaman Serj Sarkisyanın sözlərini xatırladığını etiraf edib.
Qeyd etmək lazımdır ki, Serj Sarkisyanın bəhs etdiyi mahnıda "Qars - erməni torpağıdır və sual səslənir ki, şəhər Ermənistanın tərkibinə nə vaxt qayıdacaq" deyilir
Ermənistan Baş naziri Nikol Paşinyanın Rusiya Prezidenti Vladimir Putinə bir saatda 2 dəfə zəng vurmasının detalları məlum olub.
Bu barədə "Hürriyət" yazıb. Məlumata görə, Kəlbəcərdəki qızıl yataqları ilə bağlı Ermənistanda yaranan böhrandan narahat olan Paşinyan Putinə 2 dəfə ardıcıl zəng vurmaq məcburiyyətində qalıb. Onun Vladimir Putindən 10 noyabr tarixli üçtərəfli razılaşmaya yenidən baxılmasını xahiş etdiyi bildirilib.
Qeyd edək ki, Ermənistan hökuməti telefon danışığı ilə bağlı yaydığı açıqlamada üçtərəfli sazişin müzakirə edildiyini və sərhədlərin düzgün çəkilməsi, Laçın dəhlizindəki vəziyyət, sülhməramlıların fəaliyyəti və girovların dəyişdirilməsi kimi məsələlərə toxunulduğu bildirilmişdi

Видео Yekun xəbərlər 29.11.2020 (Xəbər Saatı) Xankəndi və Xocalıdan GÖZLƏNİLƏN XƏBƏR! канала Musa Media