"Бегона" - Муҳаммад Солиҳ ҳаёти ҳақида фильм. 1-қисм

Таниқли адиб ва сиёсатчи Муҳаммад Солиҳ бу йил 70 ёшга тўлаяпти. Муболағасиз айтиш мумкинки, Ўзбекистоннинг сўнгги 30 йил ичида кечган энг драматик сиёсий ва ижтимоий воқеалар бу исм атрофида жараён этди.

Муҳаммад Солиҳ авваламбор 70-80 йиллар Ўзбек шеъриятига ўз тамғасини урган бир шоир.

Рауф Парфи Муҳаммад Солиҳ ҳақда шундай деб ёзади: "Улуғ Туркистоннинг тўққизта улуғ дарёси бор: Амударё, Сирдарё, Абдулла Қодирий дарёси, Абдурауф Фитрат дарёси, Абдулҳамид Чўлпон дарёси, Мухтор Авезов дарёси, Чингиз Айтматов дарёси, Ўлжас Сулаймон дарёси, Муҳаммад Солиҳ дарёси. Менинг томирларимда ҳам шу тўққизнинг қонлари оқади. Мен бу улуғ дарёларнинг соҳилларида саргардонман, доим ташнаман, очман, муҳтожман... (Ёзувчи Мурод Каримнинг “Адабиёт манзаралари” саҳифасидан олинди).

Рауф Парфидек буюк шоирнинг Муҳаммад Солиҳ исмини юқорида зикр этилган буюк зотлар билан бир қаторда тилга олиши тасодифми?

Бизнингча тасодиф эмас.

Муҳаммад Солиҳ чиндан ҳам ўтган аср ўзбек шеъриятини хам шакл ҳам мазмун жихатидан жиддий бир савияга юксалтирганини эътироф этаётганлар сони кун сайин кўпаймоқда.

Шоир ижоди Каримов режими тарафидан маҳкам изоляция қилинишига қарамай, унинг асарлари ўзбек ўқувчилари орасида ёйилишда давом этди ва давом этмоқда.

Қуйида сизга тақдим этилаётган видео-суҳбат таниқли ўзбек ёзувчиси, "Кунлар" романининг муаллифи Нуруллох Мухаммад Рауфхон лойиҳаси бўйича Муҳаммад Солиҳ билан ўтказилган. Бу кенг қамровли бир мулоқотдир.

"Элтуз" нашри кўпқисмдан иборат суҳбатнинг 1-кисмини эътиборингизга ҳавола қилади.

Видео "Бегона" - Муҳаммад Солиҳ ҳаёти ҳақида фильм. 1-қисм канала El Tuz