Думбул билан танилган Миришкор ҳокими фермерларни онасидан сўкди

Қашқадарё вилоят, Миришкор туман ҳокими Равшан Комиловнинг фермерларни уриб, тинмай онасидан ҳақорат қилаётгани иддао қилинган аудио Озодликка келиб тушди.

Миришкор туманининг Жейнов ҳудудида, далада ёзиб олинган бу аудиода, ҳоким деб айтилаётган шахс, фермерларни пахтани культивация қилмагани, дориламагани ва суғормагани учун таҳқирлайди, уради, сўкади.

Аудиони Озодликка жўнатганларнинг айтишича, ундаги воқеа "думбул можароси"дан олдин - августнинг охирида бўлган.

Миришкор тумани ҳокими Равшан Комиловнинг ёрдамчиси, фермерлар иддаоларини эшитгандан сўнг “ҳоким ўзи қўнғироқ қилади” деб Озодлик телефонини ёзиб олди, аммо ҳокимликдан қўнғироқ бўлмади.

Озодликка келган аудиода Миришкор тумани ҳокими Равшан Комилов деб иддао қилинаётган шахс 30 минут давомида фермерларни таҳқирлайди ва тинмай онасидан ҳақорат қилади.

Август ойининг охирида Миришкор туманининг Жейнов ҳудудидаги фермерларни пахта бошига тўплаган ҳоким деб айтилаётган шахс, фермерларни ғўзани культивация қилмаганликда, қуртга қарши дори сепмаганликда ва суғормаганликда айблаб, важоҳат билан уриб-сўкади.

Озодлик аудиодаги ҳақоратланган фермерларнинг икки нафарини топиб суҳбатлашди, аммо улар ҳоким тазйиғидан қўрқиб, исмларини ошкор қилмасликни илтимос қилди.

Видео Думбул билан танилган Миришкор ҳокими фермерларни онасидан сўкди канала Ozodlik Radiosi