İzləyib şoka düşməyin, nəticə çıxarın ki, pensiya çıxanda sizi nələr gözlədiyini indidən biləsiniz.

Azərbaycanda median əmək haqqı 343 manatdır. Bu o deməkdir ki, hazırda işləyən 1 milyon 691 min 800 nəfərin yarısının - 845 min 900 nəfərinin maaşı 343 manat və ondan aşağıdır. Bu yalnız yaşam şərtlərinin çətinləşdiyi indiki şəraitdə dolanışığı pisləşdirmir. Həm də gələcəkdə pensiya təminatında problem yaradır.
Mövcud qanunvericiliyə görə, güzəştli qruplar istisna olunmaqla pensiyaya çıxmaq üçün ya 25 il sığorta stajı, ya da 28.800 manat minimum pensiya kapitalı tələb olunur. Bunladan heç birini ödəyə bilməyənlərə pensiya yaşı çatanda 130 manat qocalıq müavinəti verilir.

 Əgər sizlərdən kimsə işsizdirsə və iş axtara axtara qocalırsa o pensiya ala bilməyəcək.
 Əgər sizlərdən kimsə günəmuzd işləyirsə, rəsmi olaraq maaş almırsa o da pensiya ala bilməyəcək.
 Əgər sizlərdən kimsə müqaviləsiz çalışırsa o da pensiya ala bilməyəcək.

Qanuna görə, 25 il iş stajı olub, tələb olunan 28.800 manat pensiya kapitalını yığa bilməyənlər minimum məbləğdə pensiya alacaqlar. Odur ki, hər kəsin aşağı maaşla ən azı 25 il işləməsi gərəkdir.

 Əgər sizlərdən kimsə işləyirsə ayda, 250 manat maaş alırsa, onun minimum pensiya kapitalını yığması üçün fasiləsiz 38,4 il çalışması gərəkdir.
 Əgər sizlərdən kimsə işləyirsə, ayda 300 manat maaş alırsa onun minimum pensiya kapitalını yığması üçün fasiləsiz 32 il çalışması gərəkdir.
 Əgər sizlərdən kimsə işləyirsə, ayda 350 manat maaş alırsa onun mimum pensiya kapitalını yığması üçün fasiləsiz olaraq 27,4 il çalışması gərəkdir.

Bu hesablamar, minimum pensiya məbləği 200 manat olduğu halda keçərlidir. Əgər minimum pensiya məbləği 250 manat olarsa onda minimum pensiya kapitalı 36 000 manata, əgər mimimum pensiya məbləği 300 manata qədər artırlarsa onda minimum pensiya kapitalı 43200 manata qalxacaq. Hazırda 28800 manat minimum pensiya kapitalını yığa bilməyənlər pensiyaya çıxa bilmirsə, onda 36 min manatı və ya 43200 manatı necə toplayacaqlar? Görün, kasıb əhali üçün necə tələ qurulub, bir tərəfdən istəyirik ki, minimum pensiya qalxsın ki, təqaüdçülərin yaşayışı yaxşılaşsın, digər tərəfdən də minimum pensiyanın artması başqalarının pensiyaya çıxmasını daha əlçatmaz edir.
Hesablamalar göstərir ki, işsizlik və aşağı əmək haqqı səbəbindən Azərbaycanda potensial olaraq 2,5 milyon nəfər əhali hazırkı şərtlərlər və göstəricilərlərlə hətta 65 yaşında çatsa da belə onlara pensiya deyil, qocalıq müavinəti veriləcək. Hazırda qocalıq müavinəti 130 manatdır.

Видео İzləyib şoka düşməyin, nəticə çıxarın ki, pensiya çıxanda sizi nələr gözlədiyini indidən biləsiniz. канала BİZ