Қиын-қыстау кезде Петропавлда жалға берілетін баспананың бағасы екі есеге өсті

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Петропавлда жалға берілетін баспананың бағасы екі есеге өскен. Бұл қымбатшылыққа тасқыннан кейін қалаға ағылған халықтың нөпірі тікелей әсер еткен екен. Үйсіз далада қалған жұрт қиын-қыстау кезеңде бас пайдасын ойлаған адамдардың әрекетіне таң. Сондықтан құзырлы органдардан тоқтаусыз өскен бағаны ауыздықтауды сұрайды. Тақырыпты толығырақ өңірдегі әріптесім Руслан Жасұланұлы тарқатып айтсын.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Александр Пашковтың баспанасын су басқан. Отбасымен далада қалған тұрғын үйдің бағаларын көріп жағасын ұстаған. Жігіт ағасы жинаған азын-аулақ қаражатым тек бір бөлмелі үйді бір айға жалдауға жетті деп отыр.
АЛЕКСАНДР ПАШКОВ, Петропавл қаласының тұрғыны:
– 90-100 мың теңге тұратын пәтерлер кемі 150 мың теңге тұрады. Өзім бір айға жалдап алдым. Әрі қарай не істерімді білмеймін. Ақшам да таусылып жатыр. Осы бағаны көтермесе де болатын еді ғой. Халық қиналып жүргенін біледі ғой.
Расыменде тасқын басталғалы қалаға ағылған қарашаның қарасы қалың. Эвакуация пунктіне барудан бас тартқан жұрт жаппай жалға берілетін баспана іздеп жүр. Сұраныс артқан соң жалдамалы үйдің иелері бағаны да өсіріп жіберді. Тіпті, тәулікпен берілетін пәтердің құны да шарықтап кеткен.
РИНАТ САБИТОВ, Петропавл қаласының тұрғыны:
– Көбі тәулікке берілетін пәтерлерді жағалап кетті. Өйткені қалада жалдамалы пәтер жетпей жатыр. Ойлаңыздаршы, қаншама адам үйсіз жүр. Ал бізге берген 370 мың теңге екі айға ғана жалдауға жетеді. Азық-түлік аламыз, басқа шығынымыз да бар.
Жалдамалы пәтерлердің бағасы күрт қымбаттағанын риэлторлар да растайды.
СӘДУ ӘУЕЗХАН, риэлтор:
– Осы айда бір бөлмелі пәтерлер 150 мың теңге, екі-үш бөлмелі пәтерлер 200 мың теңгеден жоғары болып кетті. Сондай-ақ тәулікке берілетін пәтерлердің де бағасы екі есеге өскен. Мәселен, тәулігіне 10 мың теңге тұратын пәтерлерді 20 мыңға жалға береді. Бұл бағаны қадағалау өте қиын. Халық жаппай құзырлы органдарға шағымдану керек.
Ал облыстың прокурорлары бағаға мониторинг жүргізіп жатқандарын жеткізді. Қазірдің өзінде жалдамалы пәтер бағасын негізсіз өсіргендер анықталыпты. Алдымен оларға ескерту жасалып, мұндай жағдай қайталанса әкімшілік жазаға тағайындалатынын ескертеді.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

Видео Қиын-қыстау кезде Петропавлда жалға берілетін баспананың бағасы екі есеге өсті канала Информбюро 31