Каква соработка има Заев со осудениот за фалсификување Тумбовски?

Говорник: Илија Димовски, член на ИК на ВМРО-ДПМНЕ и Директор на Центарот за комуникации на ВМРО-ДПМНЕ
Датум: 23.04.2014


Почитувани,

Веќе подолго време целата јавност е сведок на фалсификатите, монтажите и лагите кои ги пласира СДСМ и нивниот лидер Зоран Заев.

Сите граѓани знаат дека СДСМ и Заев тоа го прават заради тоа што се во паника и очај. Во нивните постапки се гледа огромна омраза, гнев и страв. СДСМ не разбра дека луѓето бараат искрен однос, а не фалсификати, монтажи и лаги.

За да биде јавноста целосно запознаена со начинот на кој постапува СДСМ денес би сакал да ви презентирам уште неколку докази кои ќе потврдат дека она што Заев го извади како документ на неговата прес конференција е класичен фалсификат.

Прво, еве го изгледот на печатот кој стои на документот кој го презентираше Заев. Тој не е валиден печат уште од 2004 година. Во Статутот на ВМРО-ДПМНЕ кој е доставен до Oсновниот суд Скопје 1 на 15.10.2004 година и кој е потврден од страна на Основниот суд со Решение од 02.11.2004 година, јасно и недвосмислено, во член 5 и член 6 е опишан новиот печат на партијата кој е многу различен од претходниот. Еве го и новиот печат, оној од 2004 година па до денес, видливо, за да може граѓаните да ја видат разликата. Значи, ВМРО-ДПМНЕ не го користи стариот печат и тој е неважечки и според одлуките на судот уште во 2004 година, бидејќи тој печат во време на расколот во партијата исчезна. Сепак на овој документ кој го презентираше СДСМ стои датум од 2006 година, цели две години после промена на печатот што самиот документ го прави фалсификат. Дополнително на тој документ стои измислен потпис.

Јасно е како бел ден дека станува збор за фалсификуван документ.

Видео Каква соработка има Заев со осудениот за фалсификување Тумбовски? канала ВМРО - ДПМНЕ