lanka sathosa සතොසේ සතුටු නොවන වැඩක් .

සතොසේ සතුටු නොවන වැඩක් .
රු මිලියන 21 ක් වැස්සට සේදෙයි ,නිලධාරින් නොදනියි . අමුතු ඇමතුම් රැසක්.
(දඹුල්ල කාංචන කුමාර ආරියදාස)
2022.04.30
සතොසේ සතුටු නොවන වැඩක් .
මිලියන 21 ක් වැස්සට සේදෙයි ,නිලධාරින් නොදනියි . අමුතු ඇමතුම් රැසක්.
රුපියල් මිලියන විසි එකක් ජනතා මුදල් වියදම් කොට දඹුල්ල නගරයේ ඉදිකරන ලද සතොස වෙළඳසැල් ගොඩනැගිල්ල විවෘත කිරීම්ටත් මතෙන් වැසි වතුර නිසා විනාශ වෙමින් පවතින ප්රදේශවාසීහු පවසති.
සතොස ඉදිකිරීම් ඉංජිනේරු සමාගම මගින් ඉදිකල මෙම ගොඩනැගිල්ල ට ගිය වියදම සහ තොරතුරු සොයා ගැනීම්ට පහල නිලධාරියාගේ සිට අමාත්යංශය දක්වා දුරකථන ඇමතුම් විස්සකට වැඩි ප්රමාණයක් ලබා ගැනීමට සිදුවීම මෙහි තවත් කනගාටුදායක තත්ත්වයකි.
අමාත්යාංශයේ සිට පහළ නිල්ධාරියා දක්වාම මෙහි වගකීම් පැහැර හරිමින් එකිනෙකාට චෝදනා කරමින් සිටීම තවත් සුවිශේෂී වූ හෙළිදරව්වකි.
දඹුල්ල බස් නැවතුම් පොළ ආසන්නයේ ඉහල වෙළඳ වටිනාකමකින් යුත් ඉඩම් කැබැල්ලක් නාගරික සංවර්ධන අධිකාරිය මගින් සතොස වෙළඳසැලක් ඉදිකිරීමට ලබාදී තිබිණි.
ඒ අනුව සතොස ඉදිකිරීම් ඉංජිනේරු සමාගම ගොඩනැගිල්ල ඉදිකොට අවසන් කර ලංකා සතොස වෙත භාරදී තිබියදී වැඩ අවසන් කළ ගොඩනැඟිල්ල සුළු වැස්සට පවා පිහිලි උතුරා ජලය ගලා යන්නට පටන්ගෙන තිබෙන බවද ප්රධාන පිවිසුම් දොරටුව පවා වැසි ජලය කාන්දු වෙමින් ගොඩනැගිල්ල ඇතුළට ගලා බසින බව ප්රදේශවාසීහු පෙන්වා දෙති.
වර්ෂාව පැවති අවස්ථාවක දඹුල්ල නගරයේ ඉදි කොට ඇති මෙම ගොඩනැගිල්ල පිළිබඳව ප්රදේශ්වාසීහු ජනමාධ්යවේදීන්ට තොරතුරු ලබා දී එහි සිදුවන හානිය පෙන්වා දෙන්නට වූහ.
ප්රදේශවාසීන් කියා සිටියේ ජනතා මුදල් වියදම් කරමින් මේ ආකාරයෙන් ඉදි කළ ගොඩනැඟිල්ල විවෘත කිරීමට මත්තෙන් විනාශ වී ඇති නිසා වහාම ජනතා මුදල් වියදම් කළ හා ඉදිකිරීම් කළ අයට විරුද්ධවව නීතිය ක්රියාත්මකත්මක කළ යුතු බවය.
මෙම ගොඩනැගිල්ල සතොස මගින් අධීක්ෂණය කළ චන්දන නැමැති නිලධාරියාගෙන් විමසීමේ දී කියා සිටියේ මෙහි ඉදිකිරීම් කටයුතු භාරව අධීක්ෂණය ඉදිකිරීම් සියල්ල සිදු කරනු ලැබුවේ සතොස ඉදිකිරීම් ඉංජිනේරු සමාගම නිසා තමන්ට එහි වගකීම්ක් හෝ භබාරදීම සිදුකර නොමැති බව ය
එම නිසා තොරතුරු දැනගන්නට සතොස ඉදිකිරීම් ඉංජිනේරු සමාගමේ සභාපති චිත්ර පාල මහතාගෙන් විමසන ලෙස දැන්විය
පසුව අප 29 දින පෙරවරුවේ සබාපති වරයාගෙන් දුරකතනයෙන් විමසීමේදී කියා සිටියේ තමන් පෞද්ගලික ක්රියාවලියක නිරතව සිටින නිසා තොරතුරු වියදම සහ තොරතුරු ලබා දීමට නොහැකි බවත් මේ වන විට ඉදිකිරීම් අවසන් කොට සතොස ආයතනයට මෙම ගොඩනැගිල්ල බාර දී ඇති බව ය.
තවදුරටත් සභාපතිවරයාගෙන් තොරතුරු විමසීමට උත්සාහ කළ ද 29 දින දවස පුරා ම ඔහු අපගේ දුරකථන ඇමතුම් ලබා ගැනීමකින් තොරව සිටීම විශේෂත්වයකි.
පසුව අප සතොස ප්රධාන කාර්යාලයේ දුරකථන අංකයට අවස්ථා තුනක් විමසීම් කළ අතර එහි සිටි නිලධාරීනියන් කියා සිටියේ ඒ සඳහා කිසිදු තොරතුරක් ලබා දීමට හෝ සම්බන්ධ කිරීම්ට නිලධාරියෙකු නොමැති බවය .දුරකථන ඇමතුම් ලබා ගත් නිලධාරිනිය හෝ සේවිකාව හෙළිදරව් කිරීමට කවුරුන්ද යන්න ප්රකාශ කිරීමට පවා නොහැකි තත්තවයක් පවතින බවත් තවදුරටත් එහි තොරතුරු අවශ්ය නම් වෙළඳ අමාත්යංශයෙන් සොයා ගන්නයි ඇය පිළිතුරු ලබා දුන්නාය.
පසුව අප වෙළඳ අමාත්යාංශයේ දුරකතනයට ඇමතුමක් ලබාගෙන මෙම ගොඩනැගිල්ල පිළිබඳව තොරතුරු විමසීමේ දී එහි නිලධාරිනියක කිවේ අමාත්යාංශ අතිරේක ලේකම් තුමීයක වන සුමනා බණ්ඩාර මහත්මිය ගෙන් විමසන ලෙසය .
වෙළඳ අමාත්යාංශයාංශයේ අතිරේක ලේකම් සුමනා බණ්ඩාර මහත්මියගෙන් විමසීමේදී කියා සිටියේ තමන් ඒ පිළිබඳව කිසිවක් නොදන්නා බවය .කෙසේ වෙතත් තවත් අතිරේක ලේකම්වරිය ක වන ගිල්මා දිසානායක මහත්මියගෙන් විමසන ලෙස ඇය සඳහන් කළාය.
පසුව ඇය ද කියා සිටියේ මෙම තොරතුරක් අමාත්යාංශයේ හෝ තමා සතුව නොමැති බවය .සතොස ආයතනයේ ප්රධාන විධායක නිලධාරී විශ්ව ලොකු ගමගේ මහතාගෙන් විමසන්නැයි ඇය සඳහන් කළාය.
පසුව අප දුරකථනය හරහා සතොස ප්රධාන විධායක නිලධාරී විශ්ව ලොකු ගමගේ මහතාගෙන් විමසීමේදී ඔහු පළමු ඇමතුමට කියා සිටියේ මේ පිළිබඳව තමන් සොයා බලා කඩිනමින් තොරතුරක් ලබා දීමට හැකි බවය ය.
පසුව ඒ මහතා අපට ඇමතුමක් ලබාගෙන කියා සිටියේ මෙහි ඉදිකිරීම් කටයුතු සිදුකර ඇත්තේ සතොස ඉදිකිරීම් ඉංජිනේරු සමාගම බවය .කෙසේ වෙතත් මේ වන විට ලංකා සතොස වෙත මෙම ගොඩනැගිල්ල භාරදීම්ක් සිදුකර නොමැති බවත් ඒ සඳහා කොපමණ මුදලක් වියදම් කළේ ද යන්න කිසිදු තොරතුරක් තමා සතුව නැති බවද ඒ මහතා සඳහන් කළේය.
සිදුව ඇති අක්රමිකතා පිළිබඳව නැවත සතොස ඉදිකිරීම් ඉංජිනේරු සමාගමේ සභාපති චිත්රපාල මහතාට 30 දින උදෑසන දුරකථන ඇමතුමක් ගෙන අප විමසීමක් කළෙමු.
ඒ මහතා කියා සිටියේ පෙරදින තමා හදිසි රාජකාරි කටයුතුවල නිරතව සිටි නිසා දුරකථනයට සම්බන්ධ වීමට නොහැකි වූ බවය. කෙසේ වෙතත් මෙම ගොඩනැගිල්ල ඉදිකිරීම සඳහා 2019 වසරේ රුපියල් මිලියන 21 ක මුදලක් ලබාදී ඇති බවත් එයින් රුපියල් මිලියන දාහතක වැඩ අවසන් කොට තමන් රුපියල් මිලියන තුනක් වියදම් කරමින් එහි වැඩ සියල්ල නිම කොට සතොස ආයතනයට නීත්යානුකූලව මෙම ගොඩනැගිල්ල භාරදී ඇති බව සඳහන් කළේය.
කෙසේ වෙතත් මෙම ගොඩනැගිල්ල පළමු වැස්සට ම තෙමි ප්රධාන දොරටුව පවා ඇතුළුවීමට නොහැකි තත්ත්වය පිළිබඳව විමසීමේ දී කියා සිටියේ ඉදිකිරීම් සිදුකරන අයට මුදල් සම්පූර්ණ ගෙවා නොමැති නිසා හානියක් සිදු නොවන බවය .
කෙසේ වෙතත් ගොඩනැගිල්ල වැඩ අවසන් කොට බාරදී ඇති මොහොතක මෙවැනි තත්වයක් උදා වීම කණගාටුදායක නොවන්නේ දැයි අප විමසීමේදී කියා සිටියේ සතොස ආයතනය මඟින් ඉක්මනට මෙම ගොඩනැගිල්ල ඉල්ලා සිටි නිසා මේ තත්ත්වය උදා වන්නට ඇති බවය.
කෙසේ වෙතත් රාජ්ය නිලධාරින් සහ සතොස ඉහළ නිලධාරීන් සියලු දෙනා නොදැන මෙරට ජනතාවගේ මුදලින් රුපියල් මිලියන 21ක මුදලක් වියදම් කරමින් ජනතාවට සහන සැලීම සඳහා ඉදිකළ දඹුල්ල නගරයේ පිහිටි සතොස නව ගොඩනැගිල්ල පිළිබඳව වහාමහාම පරීක්ෂණයක් පවත්වන්නැයි ජනතාව රජයෙන් සහ වර්තමාන අමාත්යවරයාගෙන් ඉල්ලා සිටිති.

Видео lanka sathosa සතොසේ සතුටු නොවන වැඩක් . канала Kanchana Ariyadasa