WBC SUPER FEATHERWEIGHT CHAMP | NAGLALAKO na NGAYON ng ISDA

Bago pa sumibol sina Manny Pacquiao at Nonito Donaire, namayagpag na ang pangalang Rolando Navarrete sa mundo ng international boxing.

Ipinanganak noong February 14, 1957. Tulad ng mga boksingerong nangarap na maka-ahon sa hirap - kalsada ang unang naging boxing ring ni Rolando.

Kilala na mainitin ang ulo, madalas na nakakakuha ng away at gulo kaya nabansagang “ Bad Boy ng Dadiangas” ang lugar na kilala ngayon bilang General Santos City.

February 17, 1973 - 3 araw makalipas ang ika-16 na taong kaarawan –nag-debut as professional boxer itong si Navarrete at tinalo si Ed Clementes via unanimous decision
Hindi pa mahigpit noon ang pagkuha ng lisensya sa pagboboksing.
Kahit menor-de-edad basta marunong makipagbasag-ulo, mabigat ang mga suntok at may potential – pwede ka na.
February 15, 1975 – sa kartadang 10 panalo – 1 talo at 2 draws – tinalo ni Navarrete si conrado Vasquez at nakuha ang Philippine Games and Amusement Board Bantamweight championship belt.
Makaraan pa ang limang taon – nagkaroon ng pagkakataon si Lando na lumaban para sa WBC Super Featherweight titla kontra kay Alexis Arguello.

May bitbit na 62 wins – 52 by knockout at 4 talo an Nicaraguan boxer. Meron din itong 5 inches height at 7 inches reach advantage. Lyamado si Arguello.

At ang pambato natin ay may record na 30 wins – 14 by knockout – 5 na talo at 3 draw.
Bago pa magsimula ang 5th round – hindi na pinahintulutan ng doctor na ituloy pa ang laban dahil sa sugat sa kananag mata ni Navarrete.

Sa madaling salita. Talo tayo.

Hindi nakaporma ang Rolandosa laban at napabalitang na-trauma daw at nag-isip na iwanan na ang pagboboksing.

At dahil duging pinoy – dugong palaban – sumabak ulit sa Navarrete sa boksing

Makaraan ang 16 na buwan matapos magulpi ni Arguello – nabigyan muli ng tyansa na maglaro sa world title bout ang pinoy southpaw.

Nakaharap niya ang fighter mula sa Uganda na si Cornelius Boza-Edwards na may record na 31 wins – 25 kos at 2 talo.

Nag improve naman ang record ni Navarrete sa 35 wins – 15 by ko - 7 losses at 3 draws
Mukhang naitadhana ang paghaharap ng dalawa sa Italy dahil – last minute replacement lang ang pinoy challenger.

At dahil determinado ang pinoy slugger – na knockout niya ang kampeon sa loob ng 5th round at nakuha ang WBC Super Feather weight title.

At dito mas namayagpag ang pangalang Rolando Navarrete.

Matibay niyang nadepensahan ang kanyang titulo sa unang beses kontra sa Koreanong si Chung Choi Il ng tapusin niya via Round 11 knockout.

Ngunit nabigo sa ikalawang pagdepensa - kontra sa Mehikanong si Rafael Limon.

At dito nagsimula ang mga sunod-sunod na kamalasang dinanas ni Rolando.

Nang dahil sa babae at alak - unti-unti naubos ang pinaghirapan niya sa pagboboksing.
Iniwan din siya ng kanyang asawa.

At ang masaklap pa, nakulong pa ito ng 3 taon sa kasong rape.

At nang makalaya – sinubukang magbalik sa pagboboksing at nagawa pang makabawi kay Rafael “Bazooka” Limon.

Gumawa din ito ng pelikula kasama ang kapwa boksingerong si Rolando Bohol na pinamagatang Kambal na Kamao : Madugong Engkwentro noong 1988

At dahil sa sunod-sunod na talo mula sa mga di kilalang boksingero, napilitan itong huminto sa pagboboksing sa edad na 34.

Kahit na hindi na ito lumalaban sa lona – pinanindigan nya pa din ang pagiging bad boy.
May mga reklamo ng pananakit sa asawa at kaso sa illegal droga.

Minsan ding napalo ng tubo, hinampas ng shotgun sa paa at nasaksak ng ice pick sa leeg.
Sa edad na 63 matinding kalaban niya ngayon ay ang kahirapan.

At kung mapupuntahan niya si Pacquiao e laging may pakimkim para sa kanya.

Walang permanenting trabaho. Umaasa lang sa sustento mula sa gobyerno na halagang 2000 pesos at dumidiskarte sa fish port para may maihanda sa kanilang hapag kainan.

Видео WBC SUPER FEATHERWEIGHT CHAMP | NAGLALAKO na NGAYON ng ISDA канала Sports Manda