«Մեծագույն Խաբկանք» - մաս 2/3

Այս տեսանյութը, կազմելով ֆիլմի 2-րդ մասը, ներկայացնում է առաքյալների օրերից մինչև 20-րդ դարը տեղի ունեցած հրեշավոր պայքարն ընդդեմ Քրիստոսի Ավետարանի։ Այստեղ բացահայտվում են վաղ եկեղեցու հալածանքները, Հռոմի կաթոլիկ եկեղեցու ծագումն ու վերջինիս հեղինակությամբ դարեր շարունակ իրականացված բազմամիլիոն քրիստոնյաների արյունահեղությունները, ինչպես նաև հայոց եկեղեցու վաղեմի հավատամքն ու հետագա ուխտադրժությունը, ճիզվիտների միաբանության և ապա մասոնության ծագումն ու դրա գլխավոր նպատակը, ֆրանսիական հեղափոխության և ԱՄՆ-ի մասին Աստվածաշնչյան զարմանահրաշ մարգարեությունները, և ի վերջո մեր Փառավոր Փրկչի` Հիսուս Քրիստոսի երկնային ծառայության ավարտի ու Նրա 2-րդ գալստյան մասին Սուրբ Գրքի թանկարժեք ճշմարտությունը։

Ֆիլմի գլխավոր նպատակն է` բացահայտել դարավոր խաբեությունը, նրա հեղինակին ու վերջինիս հեղինակությամբ գործող խոշորագույն ծրագրերն ու կառույցները։ Լուսաբանելով աշխարհի ներկայիս անկայուն վիճակը, ֆիլմում փաստացի ներկայացվում է բոլոր անարդարությունների, տիրող չարիքի և ավերածությունների բուն պատճառը, ինչպես նաև հորդոր է տրվում յուրաքանչուր անհատի կատարելու ՃԻՇՏ ընտրություն։

Աստվածաշնչյան գրեթե ԲՈԼՈՐ մարգարեությունները կատարվել ու կատարվում են ակնհայտորեն, իսկ աշխարհի այժմյան իրադարձությունները հաստատում են Քրիստոսի 2-րդ գալստյան մասին Աստվածաշնչի վկայությունները։ «Եվ ազգերը բարկացան, ու եկավ Քո բարկությունը, ու եկավ ժամանակը, որ մեռելները դատվեն ու վարձ տաս Քո ծառաներին` մարգարեներին ու սրբերին ու Քո անունից վախեցողներին, մեծերին ու փոքրերին. և կործանես նրանց, որ կործանում են երկիրը։» Հայտնություն 11։18

Видео «Մեծագույն Խաբկանք» - մաս 2/3 канала Havitenakan Ser