გელა კეტაშვილი: მოსკოვში წითელი ხაზი გადამისვეს

გელა კეტაშვილი - ერთადერთი ქართველი ოლიმპიური ჩემპიონი ფეხბურთში. ხუთი რგოლით მორთული ოქროს მედალი მან 1988 წელს, სეულის ოლიმპიადაზე მოიპოვა.

საბჭოთა კავშირის ნაკრებმა ფინალში ბრაზილიას აჯობა. ქართული ფეხბურთის სტაჟიან ქომაგს არასოდეს დაავიწყდება ვერცხლისწყალივით მოქნილი, უნიჭიერესი მცველი გელა კეტაშვილი, რომელმაც ოლიმპიადის ფინალში თვით რომარიო ამოკეტა.

საოცრად სხარტ და ტექნიკურ მცველს გელა კეტაშვილს ფეხბურთის თამაში იმ ეპოქაში მოუხდა, როდესაც უზარმაზარი ქვეყანა, რომლის სახელითაც მან ოლიმპიური ოქრო მოიგო და რომლის ნაკრებსაც ნიჭი და ჯან-ღონე შეალია, ნაწილებად დაირღვა.

ის დიდების მწვერვალზე 23 წლისა ავიდა, 25 წლისა კი ფეხბურთიდან წავიდა.

პარასკევი ლიდერსპორტზე „ერთი მატჩის ისტორიის“ დღეა. 30 წლის წინანდელ ამბავს კი მის მთავარ შემოქმედთან ერთად გაგახსენებთ.

Видео გელა კეტაშვილი: მოსკოვში წითელი ხაზი გადამისვეს канала Leadersport