Nizami Gəncəvi - Hikmət xəzinəsi - Kamran M. Yunis

Quyuya salsan da yaxşılığı, bil
Yenə qayıdacaq, o itən deyil.
Ürəkdən gələn söz həmişə ürəklərə yol tapar.
İncitək sözlər seç, az danış, az din,
Qoy az sözlərinlə dünya bəzənsin.
Söz gözəl olursa-olsun nə qədər,
Pis əda o sözü tamam məhv edər.
İnsana arxadır onun kamalı,
Ağıldır hər kəsin dövləti, malı.
Amandır ağlını unutma ki, sən
Gülü tikana dəyişməyəsən.
Çox gözəl olsa da eybi gizləmək,
Dost dostun eybini örtməsin gərək.
Yaxşılıq etməsən əgər insana,
Böyüklük şərəfi verilməz sana.
Sirrini bilməsin evdə divarlar,
Divar arxasında da çünki qulaq var.
Bulud ağlamasa, çəmən gülməz.
Varlıq eşq üzərində qərar tutur.
Eşqdən başqa bir şey könlümə yaddır,
Ömrümün quşuna sevgi qanaddır.
Yamanlıq etməkdən uzaq ol, uzaq,
Pisliyin əvəzi pislik olacaq.
Yaşa ki, dünyaya işıq verəsən,
Torpağa göz dikmə ilan kimi sən.
İnsandan insana fərq var:
bir dəmirdən həm nal, həm də qılınc düzəldirlər.
Gündüzün yanında gecə olarmı?
Onları bir yerdə heç görən varmı?
Hər əqlə sığışan hünər, bilikdən
Bir məna çıxarır mənanı bilən.
Sözün qanadları var, quş kimi incə-incə,
Dünyada söz olmasa, nəyə gərək düşüncə.
Bir cizgi naxışdan çıxarsa kənar,
Başqa cizgilər də bütün pozular.
Hər çətin düyünün bir əlacı var,
Səbirlə, tədriclə açılar onlar.
Qüvvət elmdədir, başqa cür heç kəs,
Heç kəsə üstünlük eyləyə bilməz.
Hər uca rütbədən biliniz,fəqət
Alimin rütbəsi ucadır, əlbət!.
Yeri yaradanın öz yeri olmaz.
Eşqsiz olsaydı xilqətin canı,
Dirilik sarımazdı böyük cahanı.
Dumanla doldurub dünya üzünü,
Yatırtdım eşq ilə ağlın gözünü.
Göylər yaransaydı eşqdən azad,
Düşün, olardımı yer üzü abad?
Səadət kamalla yetişir başa,
Xalqa hörmət elə, ədəblə yaşa.
Belə məsəl çəkmiş aqil bir insan:
Qurd girməz sürüyə yatmasa çoban.
Çox iti zehinlər yatan oldular
Axırda saxsı qab satan oldular.
Dəmiri aynatək parladan insan
Pası silməlidir öz vicdanından.
Zülmün toxumundan göyərməz nəbat.
Qəlbini çalmasın bu mal, bu dövlət,
Azı bir zillətdir,çoxu fəlakət.
Göydə ol, yerdə ol, fərqi yox bunun,
Torpaqsan, yenə də torpaqdır sonun.

Видео Nizami Gəncəvi - Hikmət xəzinəsi - Kamran M. Yunis канала Kamran M. YuniS