Абай облысының әкімі Нұрлан Ұранхаев өңір халқымен кездесті

Абай облысының әкімі Нұрлан Ұранхаев өңір халқымен кездесті. Аймақ басшысы тұрғындарды толғандырған мәселелерді тыңдап, жауап берді. Сондай-ақ, әкім облыстың әлеуметтік экономикалық көрсеткіштеріне тоқталып, іске асырылып жатқан жобаларға тоқталды. Айта кетейік биыл облыс бюджетінің көлемі 419,2 миллиард теңгені құраған.
Аймақ басшысымен кездесуге келген қарашаның қарасы көп. Алдымен облыс әкімі Нұрлан Ұранхаев көпшілік алдында ресми есеп берді. Айтуынша, өңірдің әлеуметтік- экономикалық көрсеткіштері тұрақты дамып жатыр. Мәселен халықты таза ауыз сумен қамтамасыз ету бойынша 15,5 миллиард теңгеге 54 жоба іске асырылуда.
НҰРЛАН ҰРАНХАЕВ, Абай облысының әкімі:
— 20 жоба биыл аяқталса 34 жоба өтпелі кезеңге қалдырылды. Облыс тұрғындарының таза ауыз сумен қамтылу деңгейі 93,4 %. Қаланың Восточный кентінде сумен қамту желілері салынды. Абыралы ауылында су құбырларын реконструкциялау жұмыстары аяқталды. Биыл бұл бағытта 19 жоба іске асырылуда. Ол үшін бюджеттен 6,1 млрд. теңге қаражат бөлінді.
Сондай-ақ өңірдегі инфрақұрылымды жақсартуға күш салынған. Әсіресе, жұртты жылумен қамту мәселесі басты назарда. Баяндамадан соң аймақ басшысы жұрттың сан түрлі сауалына жауап беріп, бірден қарамағындағы қызметкерлерге тапсырма беріп отырды.
Менің сұрағым үш мәселе: Автобус мәселесі, содан біздің свет мәселесі, содан кейін жол мәселесі.
НҰРБОЛ НҰРСАҒАТОВ, Семей қаласының әкімі:
— Жолды осы жолы аздап жасап қойдық келесі жылы біз полный планға кіргізіп жасаймыз. Екінші мәселе ол кооперативке өту керек болатын ЖКХ-ға. Оған өту үшін тиісті құжаттарды тапсырдық. Тиісті құжаттарды жұмыс жасап жатырмыз. Оған уақыт керек. Өзіңіз білесіз.
Жиыннан соң аймақ басшысы тұрғындарды жеке қабылдап, өтініш-пікірлерін тыңдады.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Абай облысының әкімі Нұрлан Ұранхаев өңір халқымен кездесті канала Информбюро 31