“Nuk jam martuar për letra”/ Miri reagon ndaj aludimeve dhe i përgjigjet edhe babait të Selin

Armir Shahini, i njohur për publikun si Miri pas eksperiencës së tij në “Big Brother VIP 5”, ka folur hapur në një intervistë për “Shqipëria Live”, duke sqaruar disa nga zërat dhe debatet që e kanë shoqëruar pas daljes nga shtëpia.

Një nga çështjet më të komentuara ka qenë pretendimi se martesa e tij është bërë për përfitim dokumentesh në Gjermani. Miri e hodhi poshtë këtë ide, duke theksuar se lidhja e tij nuk ka pasur asnjë interes të tillë dhe se vendimi për martesë ka ardhur natyrshëm në kohë.

“Është një akuzë pa bazë. Ne nuk u martuam menjëherë sapo u lidhëm. Përkundrazi, ishte një hap i menduar dhe jo një zgjidhje për interesa. Kush e bën një gjë të tillë, bën një gabim shumë të madh në jetë,” u shpreh ai.

Gjatë intervistës, ai ndaloi edhe te deklarata e babait të Selin, e cila kishte krijuar debat gjatë kohës së spektaklit. Miri tha se e kupton një reagim të tillë nga një prind, por nuk bie dakord me mënyrën si është shprehur.

Ai theksoi se shpesh opinionet ndikohen nga perceptimet dhe komentet e jashtme, duke shtuar se askush nuk duhet të akuzohet pa prova konkrete. Sipas tij, nëse babai i Selin kishte dyshime apo pakënaqësi, reagimi duhej të ishte i drejtpërdrejtë ndaj vajzës së tij dhe jo ndaj tij.

“Nëse ai e ka parë situatën në atë mënyrë, mund t’i thoshte vajzës së vet të tërhiqej. Ne ishim të dy pjesë e lojës dhe askush nuk mund të largohej për shkak të një perceptimi,” u shpreh Miri, duke mbyllur kështu edhe këtë kapitull diskutimesh.

Видео “Nuk jam martuar për letra”/ Miri reagon ndaj aludimeve dhe i përgjigjet edhe babait të Selin канала Fieri Sot