Жаңа өзгеріс! ҰБТ-ға жаңа пән – информатика енгізілді

Ұлттық бірыңғай тестілеуге жаңа пән енгізілді. Енді түлектер жоғары оқу орнына түсу үшін информатикадан тест тапсырады. Бірақ білім саласының сарапшылары елімізде бұл ең нашар оқытылатын пәндердің бірі болғандықтан, информатиканы оқу жылының ортасына келгенде тестке қосу тиімсіз деп есептейді.
Информатика пәнінің мұғалімі, ақпараттық технология және ақпараттық қауіпсіздік мамандықтарын оқығысы келетін мектеп бітірушілері енді сынақ кезінде осы пәнді таңдауы керек. Талапкерге информатика пәніне байланысты 35 сұрақ беріледі. Оның жиырмасы тек бір ғана жауабы дұрыс тест тапсырмасы. Бесеуі тәжірибелік тапсырма.
Ал қалғаны бірнеше дұрыс жауабы бар тест. Барлығын мүлтіксіз орындаған талапкер 45 балл жинайды. Дегенмен, сарапшылар мұндай өзгерісті оқу жылының басында жасаған жөн дейді. Себебі, сабақтың аяқталуына небәрі үш ай қалғанда қабылданған бұл жаңалық түлектер үшін қиынға соғатынын айтады.
ҚАНАТ ӨКСІКБАЕВ, Білім саласының сарапшысы:
– Біздің Қазақстанда ең нашар оқыталатын пәндердің бірі информатика. Кей мектептерде информатика сабағы жоқ, мұғалімдері жоқ. Қазір дайындаламын десе де мүмкіндік жоқ. Бұл ата-аналар мен балаларға соққы болады. Және IT саласы әлемде ең тез өзгеретін сала. Ал бізде оқулықтар 4 жылда бір өзгеріп тұрады.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ҰБТ #ЖасТүлек2022 #тестілеу #өзгерістер #БҒМ

Видео Жаңа өзгеріс! ҰБТ-ға жаңа пән – информатика енгізілді канала Информбюро 31