Stubete Gäng – Mini Fründin isch schön (Offiziells Musigvideo)

Es isch so wiit. Nach wuchelangem istudierä von Choreographiä mit Schweiss & Träne, schlaflose nächt und ändlose Arbetstäg isch dä momänt cho, wo ihr alli druf gwarted händ. Mir Präsentiered eu stolz, direkt us Hollywood, the one and only: Euses Musigvideo vo
MINI FRÜNDIN ISCH SCHÖN!!

Euses Album gits überall im Handel oder uf:
http://www.stubetegaeng.ch

Zum Mitsinge:

Ha kei grosses Huus mit Garte
Ha kei Bachelor, kei Master
Grosse Charre, e geile Body
E huufe Chole hani nonig

Kei Trüffel und kei Kaviar
Nur e halbi Cervelat
Ha kei einzige goldige Täller
Und kei tüüre Wyy im Chäller

Mängmal findi mi bitz scheisse
Ha immer z’wenig Muet, ich weiss es
Mini Stimm het scho besser tönt

Aber mini Fründin, die isch schön
Mini Fründin, die isch schön
Öppis anders bruuchi nöd
Mini Fründin, die isch schön

Bi nie uf d’Maledive cho
S’het nur glängt bis Tenero
Ha kei Finanzplan und kei Budget
Für e Jacht z’ha i de Südsee

Mis Ersparte isch scho wäg
Ich ha nur no Reka Schegg
Ha es Loch im lingge Schueh
Und im Socke no dezue

Lueg, mis Display het e Spalt
Für de Gugus bin ich z’alt
De meischti Schnickschnack han ich nöd

Aber mini Fründin, die isch schön
Mini Fründin, die isch schön
Öppis anders bruuchi nöd
Mini Fründin, die isch schön

Sie het kei Schminki, kei Maskara
Kei Extensions a de Haar dra

Höchi Absätz brucht sie nöd
Will für mich isch sie die Gröscht

Sie het kei Allüre und kei Ticks
Sie isch perfekt so wie sie isch

Au wenn das chli kitschig tönt

Mini Fründin, die isch schön
Mini Fründin, die isch schön
Öppis anders bruuchi nöd
Mini Fründin, die isch schön

Lueg mini Fründin, die isch schön,
so schön, so schön
Und öppis anders suechi nöd
Mini Fründin, die isch schön

Видео Stubete Gäng – Mini Fründin isch schön (Offiziells Musigvideo) канала Stubete Gäng