General Xocalıda: şəhid şəhərə nə vaxt qayıdırıq? - Politoloq Vaqif Hüseyn CANLI yayında

İyulun 29-da Xocalı ərazisində general Bərxudarovun rəhbərliyilə hərbi hissənin açılışı olub. Bu, olduqca önəmli hadisədir. Demək, yaxın vaxtlarda Xocalı yenidən de-fakto, de-yure Azərbaycanın olacaq.
Bu müqəddəs, yaralı və şəhid şəhərə azərbaycanlılar yenidən nəfəs, həyat verəcəklər. Ermənistanın son vaxtlar atəşkəsi pozması, Azərbaycana qarşı yalan, böhtan kampaniyası aparması bu perspektivi ləngitməyə hesablanıb. Azərbaycan isə bütövləşməyə doğru gedir. Əgər Zəngəzur dəhlizi açılırsa, Xocalı, Ağdərə, Xankəndi və s. ərazilər Ermənistanda qalmayacaq.
Bu arada maraqlıdır ki, Minsk Qrupu həmsədrlərinin bəyanatında “Dağlıq Qarabağ konflikti”, “3 baza prinsipi” kimi öz aktuallığını itirmiş, çeynənmiş ifadələri yer almayıb.
Halbuki 13 aprel birgə bəyanatında bunlar var idi. Hərçənd yenə də Azərbaycan və Ermənistanı mümkün qədər tez Minsk Qrupunun himayəsi altında danışıqlara qayıtmağa çağırırlar.
Ermənistan isə 16 sentyabr 2021-ci ildən etibarən 2 il müddətinə KTMT-yə sədrlik edəcək. Bu barədə hakim “Mənim addımım” blokunun deputatı Ruben Rubinyan deyib. Sözsüz ki, xəbis qonşular bu fürsətdən də Azərbaycana qarşı maksimum yararlanmağa çalışacaqlar.
“Rus NATO-su”nu israrla sərhəd intriqalarına qatmağa səy göstərəcəklər. Hərçənd blokda əsas söz sahibi Rusiyadır. Bununla belə, Azərbaycanın narahatlığı üçün əsaslar varmı? İsraildə isə ilk dəfə Azərbaycan bayrağı dalğalanacaq - Ticarət evi açıldı, bəs səfirlik?
Bu gün MusavatTV-nin canlı yayınında politoloq Vaqif Hüseynlə regionda son mürəkkəb vəziyyəti və bu məsələləri müzakirə edirik. Müzakirədə tamaşaçılarımız da iştirak edə bilər.

Видео General Xocalıda: şəhid şəhərə nə vaxt qayıdırıq? - Politoloq Vaqif Hüseyn CANLI yayında канала TV Musavat