Наурыз мейрамы Түркістан қаласында кеңінен тойланды

Наурыз мейрамы Түркістан қаласында да кеңінен тойланды.
«Жібек жолы» саябағында киіз үйлер тігіліп, көл-көсір дастархан жайылды. Ауа райының бұлтты болғанына қарамастан халықтың мерекеге деген ықылас-пейілі ерекше болды. Күмбірлеген күй мен әуелеген ән, көктемнің келгенін бейнелейтін сахналық көріністер наурыздың сәнін кіргізді. Ұлттық нақышта киінген қариялар мен әжелер наурыз көжеден дәм татып, мерекенің мән-мағынасы жайлы ғибратты әңгіме өрбітті. Ақсақалдар «жылымыз берекелі, малымызды төлді болсын» деген ырыммен бата берді. Сондай-ақ мереке аясында қылқалам шеберлерінің халықаралық сурет көрмесі ұйымдастырылды. Оған жиырмаға жуық шет мемлекеттен суретшілер мен туристер қатысты.

«Хабар 24» арнасына жазылыңыздар: http://bit.ly/31WnObW
Біздің сайт - https://24.kz

Видео Наурыз мейрамы Түркістан қаласында кеңінен тойланды канала Телеканал Хабар 24