24 Отворено: Дали новата Влада ќе ја врати Македонија на европскиот пат?

Поранешните вицепремиери и идни коалиционери Радмила Шеќеринска и Фатмир Бесими, екс министерот за надворешни работи Александар Димитров и поранешниот амбасадор во Берлин, Горан Рафајловски во 24 Отворено дебатираа за тоа како Македонија ќе се врати на европскиот пат. Според Димитров најголем блокатор на интеграцијата на Македонија во ЕУ е Владата на Груевски. „Перспективата во ЕУ и НАТО е несомнена, не очекува голема и тешка работа која нема да ја завршиме сами“, вели Димитров.
Поранешната вицепремиерка за евроинтеграции и потпретседател на СДСМ вели дека нивна стратешка цел е Влада која има легитимитет во Собранието, реформски потфат, НАТО членство и амбиции за членство во ЕУ. И поранешниот вицепремиер за евроинтеграции од редовите на ДУИ, Фатимир Бесими вели дека за да станеме членка на ЕУ треба да се почитуваат и исполнат истите стандарди кои важат во Унијата.
Шеќеринска најави дека во понеделник, на Пленарната седница ќе има одлука за сите клучни прашања меѓу кои и избор за претседател на Собранието. „Заедничка цел се реформи во обвинителството кои ќе покажат дека има институциите кои се борат со криминалот. Ќе предложиме да се формира специјално одделение за да се процесуираат и решаваат случаите на СЈО“, порача Шеќерионска.
Според поранешниот амбасадор на Македонија во Берлин, Горан Рафајловски моменталната состојба за политичката криза е наследен проблем кој трае 25 години.
„Груевски купува време преку политикантство и протестни маршеви со кои го малтретира сопствениот народ“, рече Рафајловски.
Македонија, од земја лидер на Западен Балкан до слепо црево на регионот... Ќе се врати ли земјата на вистинска насока?
Гледајте ја репризата на 24 Отворено во недела во 10 часот
#24Вести #Отворено

Видео 24 Отворено: Дали новата Влада ќе ја врати Македонија на европскиот пат? канала Televizija 24