Әлімжеттік құрбаны ма? 8 сынып оқушысының өліміне кінәлі кім?

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Баламыз әлімжеттіктің құрбаны болған! Ақтөбеде Есет батыр атындағы спорт мектебінде көз жұмған оқушының ата-анасы осылай деп отыр. Қара жамылған отбасы Бексұлтанның жоғары сыныптағы балалардан таяқ жеп, алған жарақатынан қайтыс болғанына сенімді. Олар тәртіпсіздікке жол берген оқу орнының басшылығы да жазалансын дейді. Полиция осы іске қатысы бар деген күдікпен екі оқушыны қамауға алды. Еске салсақ, өткен аптада спорт мектебінің 8-сынып оқушысы Бексұлтан Әбубәкір жатақханада есінен танып құлап, ауруханаға жетпей қайтыс болған еді.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Бексұлтан бес қыздан кейінгі егіз ұлдың бірі. Дені сау, спортпен шұғылданып жүрген ұлының аяқ асты талып қалғанына қара жамылған отбасы сенбейді. Өйткені, марқұмның сыңары Ерсұлтан жоғары сыныптың оқушылары жатақханада әлімжеттік көрсеткенін айтыпты. Ауыр соққы алған оқушы ауруханаға жетпей көз жұмды дейді туыстары.
ҚАЙРАТ ҚАЛНАЗАРОВ, марқұмның әкесі:
– 413-те үлкен кластар жинап. Он бала ғой бұлай 8-ші кластың. Сол күні түнде болған. 10-нын қатар тұрғызып, бұларға әлімжеттік көрсеткен. Менің балам шетте тұрған Бексұлтаным. Былай тұрған есіктің қасында тұрған шапалақпен бетінен ұрған кезде. Бетіне шапалақ тигеннен кейін адам еңкеймей ме? Сол кезде Мейірлан деген 10 кластың баласы тіземен ұрған. Тізе тигеннен кейін бала құлайды сыртқа.
Қайғыдан қан жұтқан әкенің айтуынша, тоғызыншы және оныншы сыныптың балалары бөлмені жинамаған төменгі сыныптың оқушыларын осылай жазалаған. Мұндай әлімжеттік ұзақ уақыт бойы жалғасып келгенін де сыңарынан естідік деп отыр.
ҚАЙРАТ ҚАЛНАЗАРОВ, марқұмның әкесі:
– Ақша сұрайды. Донерге ақша сұрайды. Уборка істетеді. Фоктың ішінің стадионын. Матрацтар шашылады ғой. Қанша бала. Күрес, грек-рим күресі. Дедовщина бар деп есептеймін.
Қара жамылған отбасы мектеп-интернат қызметкерлері өз істеріне жауапсыз қарады деп отыр. Олар «бір бөлмеге 17 баланың кіріп, бір-бірін ұрып жатқанын көрмеуі мүмкін емес дейді. Екінші ұлымды мектептен шығарып аламын деген ана қайғылы оқиғаға жеткізгендердің барлығы жазасын алуы керек деп есептейді.
ЗОЯ БАЗАРБАЕВА, марқұмның анасы:
– Талабым сол. Осы балалар жазасын алса екен деймін. Менің балам жоқ. Уже жоқ. Потеряла осознала, мойындадым. Менің балам келмейді. Бірақ осы балалар жазасын алса екен. Не то что балалар. Осы жерде отырғандардың бәрі де төменнен бастап жоғарысына дейін наказаниие алса екен. Неге бұның үстінен қадағаламайды? Неге қарамайды. Неге тәртіп жоқ?
Полиция осы дерек бойынша үш қылмыстық іс қозғалғанын жеткізді. Қазір мектептің екі тәрбиеленушісін қамауға алып, тергеу жүргізіліп жатыр.
ЕРБОЛАТ САРҚҰЛОВ, Ақтөбе облыстық полиция департаменті баспасөз қызметінің жетекшісі:
– Ақтөбе қаласы Есет батыр атындағы спорт мектебінде оқушының қаза болу дерегі бойынша полициямен бұзақылық, денсаулыққа қасақана ауыр зиян келтіру деректері бойынша сондай-ақ, спорт мектебінің педагогтері мен басшылығының міндеттеріне адал қарамау фактісі бойынша 3 қылмыстық іс тергелуде. Қазіргі таңда күдіктілер ретінде осы мектептің екі тәрбиеленуші тұтқындалып, уақытша ұстау изоляторына қамауға алынды. Тиісті сараптамалар тағайындалды.
Ұлдарын күні кеше жер қойнына тапсырған ата-ана еркін күреспен айналысқан Бексұлтанның арманы асқақ еді деп еске алды. Мектепте үздік, бапкерлерінен үнемі мақтау еститін бала отбасының көз-қуанышы екен. Сыңары екеуі спорт шеберлігіне кандидат. Олар енді баласын өлтіргендер әділ жаза алғанын қалайды.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

Видео Әлімжеттік құрбаны ма? 8 сынып оқушысының өліміне кінәлі кім? канала Информбюро 31