NASA​ បានផ្លាស់ប្ដូរដំណេីការគោចរអាច៍ផ្កាយ​ Dimorphos បានសម្រចហេីយ

បរទេស៖ យោងតាមការត្រួតពិនិត្យ និងវិភាគលើទិន្នន័យអស់រយៈពេល ២សប្តាហ៍ ក្រោយបេសកកម្មយានអវកាស DART បំបុកអាចម៍ផ្កាយ ដាយម័រហ្វូស ដែលអាចម៍ផ្កាយ Dimorphos មានមុខកាត់ ប្រវែង163ម៉ែត្រ ដែលត្រូវជាដៃគូ និងអាចម៍ផ្កាយ ឌីឌីម៉ូស ឬយើងអាចហៅថា ជាព្រះចន្ទរបស់អាចម៍ផ្កាយ ឌីឌីម៉ូស ដែលអាចម៍ផ្កាយ Didymos មានមុខកាត់ប្រវែង ៧៨០ម៉ែត្រ ។ ក្រុមការងារអង្គការ NASA បានអះអាងថា ពួកគេពិតជាបានទទួលភាពជោគជ័យក្នុងការផ្លាស់ប្តូរដំណើរគោចរ នៃអាចម៍ផ្កាយ Dimorphos បានសម្រេចហើយ ។ ហើយនេះក៏ជាលើកដំបូងរបស់មនុស្សលោកនៅលើភពផែនដី ដែលមានគោលដៅផ្លាស់ប្តូរចលនារបស់វត្ថុអវកាសធំៗ ដូចជាអាចម៍ផ្កាយជាដើម ហើយវាក៏ជាការបង្ហាញដ៏ពេញលេញលើកដំបូង នៃបច្ចេកវិទ្យាផ្លាស់ប្តូរដំណើរគោចរនៃអាចម៍ផ្កាយក្នុងលំហរផងដែ។

ប្រធានអង្គការ NASA លោក Bill Nelson បានថ្លែងនៅថ្ងៃទី១២ ខែតុលា ឆ្នាំ២០២២ នេះថា «យើងទាំងអស់គ្នាមានភាពទទួលខុសត្រូវ ក្នុងកិច្ចការពារភពផែនដីរបស់យើង។ យ៉ាងណាមិញ ភពផែនដីជាភពតែមួយគត់ដែលមានមនុស្សសត្វរស់នូវនឹងរុក្ខជាតិពណ៏បៃតង យើមិនចង់ឃើញភពផែនដីទទួលរងនូវវិនាសកម្មដោយសាអាចម៍ផ្កាយដូចជាជុំនាន់ដៃណូសឺឡើយ ។ បេសកកម្មនេះ ពិតជាបាវបង្ហាញថា NASA កំពុងតែព្យាយាមក្នុងការត្រៀមខ្លួន ទប់ទល់នឹងអ្វីៗគ្រប់យ៉ាងទាំងអស់ ដែលចក្រវាលនេះគប់មកលើយើង ឬក៏អាចថាព្រះជានាក់កំណត់។ NASA បានបង្ហាញរួចមកហើយថា មនុស្សលោកពិតជាចាត់ទុកថា កិច្ចការពារភពផែនដីនេះជារឿងចាំបាច់បំផុត។ នេះគឺជាពេលដែលត្រូវលើកទឹកចិត្តសម្រាប់ការពារភពផែនដី និងមនុស្សជាតិទាំងអស់ ដែលបង្ហាញពីការប្តេជ្ញាចិត្ត នៃក្រុមការងារពិសេសរបស់ NASA និងដៃគូនានាមកពីជុំវិញពិភពលោក»។

គួរបញ្ជាក់ថា យាន DART របស់អង្គការ NASA ដែលមានតម្លៃខ្លួនជាង ៣០០លានដុល្លារអាមេរិក បានចល័តទៅបុកអាចម៍ផ្កាយ Dimorphos ដែលមានចម្ងាយ ១០លានគីឡូម៉ែត្រពីភពផែនដី កាលពីព្រឹកថ្ងៃទី២៧ ខែកញ្ញា ឆ្នាំ២០២២ ដែលជាម៉ោងនៅប្រទេសកម្ពុជា។ មុនពេលដែលយាន DART បុក អាចម៍ផ្កាយ Dimorphos បានគោចរជុំវិញ Didymos មួយជុំប្រើប្រាស់ពេល ១១ម៉ោង និង ៥៥នាទី ប៉ុន្តែក្រោយការត្រួតពិនិត្យអស់ ២សប្តាហ៍ ក្រុមអ្នកជំនាញ NASA បានគណនាដឹងថា ដំណើរគោចររបស់ Dimorphos គឺកាន់តែលឿនជាងមុន ដោយបានថយចុះ ៣២នាទី មកនៅត្រឹម ១១ម៉ោង និង ២៣នាទីប៉ុណ្ណោះ។
បើតាមអង្កាវិទ្យាស្រ្ត NASA តួលេខខាងលើនេះ មានភាពលម្អៀងតិចតួច ដោយអាចលើស ឬខ្វះគ្នាក្នុងថេរវេលា ២នាទីប៉ុណ្ណោះ។ ក្រុមការងារគ្រប់គ្រងបេសកកម្ម DART ពិតជាមានក្តីរំភើបរីកខ្លាំងណាស់ ចំពោះសមិទ្ធផលដ៏ធំធេងនេះ ដោយពួកគេកំពុងធ្វើការត្រួតពិនិត្យបន្ត ដើម្បីយល់ដឹងអំពីឥទ្ធិពលពេញលេញ ដែលត្រូវបានជះលើគន្លងគោចរអាចម៍ផ្កាយទាំង ២ ខាងលើនេះ ដើម្បីធ្វើការសន្មត់ជាចុងក្រោយថា តើបេសកកម្មដូចជាបេសកកម្ម DART នេះគួរតែត្រូវត្រៀមទុកឬយ៉ាងណា ដើម្បីប្រើប្រាស់នាពេលថ្ងៃអនាគតដែរ ឬមួយក៏អត់ ក្នុងករណីដែលថ្ងៃមុខ ប្រសិនបើយើងបានប្រទះឃើញអាចម៍ផ្កាយណាមួយ បានគោចរសំដៅមករកផែនដីយើងនោះ៕

Видео NASA​ បានផ្លាស់ប្ដូរដំណេីការគោចរអាច៍ផ្កាយ​ Dimorphos បានសម្រចហេីយ канала share for you