Bakıda terror aktı ola bilərmi?

Dövlət Təhlükəsizlik Xidməti əhaliyə baş verə biləcək terror aktları ilə bağlı xəbərdarlıq edib. Qurum bildirib ki, Ermənistan cəbhədə öz ordularının silsilə məğlubiyyətlərini ört-basdır etmək üçün Azərbaycanın böyük şəhərlərində insanların sıx cəmləşdiyi yerlərdə, nəqliyyatda terror-təxribat aktlarını həyata keçirmək niyyətindədir.
“Dövlət Təhlükəsizlik xidmətinin əlində bir neçə informasiya olmasa bu xəbərləri yaymazdı”,-
təhlükəsizlik məsələləri üzrə mütəxəssis İlham İsmayıl deyir ki, birinci Qarabağ müharibəsi dövründə də ölkədə müxtəlif terror aktları törədilib.
“Düşmən həmişə məğlub olduğu dövrdə terrora əl atır. Tərtərə, Gəncəyə atılan raketlər də insanlarda təlaş yaratmaq məqsədi yaşıyırdı, bu da. Terror insan itkisindən daha çox insanlarda qorxu yaratmaq məqsədi daşıyır. Ki, insanlar qorxsun, müharibədən geri çəkilsinlər”.
Ekspert terrordan qorunmaq üçün insanlar arasında maarifləndirmə işləri aparılmalı olduğunu düşünür. Bəs Bakı sakinləri hazırkı dövrü necə keçirir? Özlərini nə qədər təhlükəsiz mühitdə hiss edirlər?
"Sorğu"
Dövlət Təhlükəsizlik Xidməti vətəndaşları gündəlik həyat və iş ahəngini pozmadan və təşvişə qapılmadan ayıq-sayıq olmağa çağırıb. Yaşadıqları ərazilərdə şübhəli şəxslər, hərəkət və əşyalar barədə məlumatları (012) 4059999 nömrəli telefonla Dövlət Təhlükəsizliyi Xidmətinə, eləcə də yerli polis və digər hüquq- mühafizə orqanlarına bildirmələri xahiş olunur.
“İnsanlar elə bilməsinlər ki, hansısa erməni əlində bomba sərhədi keçib gələcək. Onlar bunu müxtəlif millətlərdən olan şəxslər vasitəsilə edə bilərlər” – təhlükəsizlik məsələləri üzrə ekspert İlham İsmayıl deyir.
Sentyabrın 27-də Azərbaycan-Ermənistan hərbi birləşmələrinin təmas xəttində atəşkəs pozulub, müharibə başlayıb. Bu müddət ərzində Ermənistan silahlı qüvvələri tərəfindən mülki əhalinin yaşadığı Gəncə, Tərtər, Bərdə və digər ərazilər raket atəşinə tutulub. Ümumilikdə 47 dinc sakin həyatını itirib, 222 nəfər yaralanıb. Qarşı tərəf isə 33 nəfər mülki vətəndaşlarının öldürüldüyünü deyir.

Kanala abunə ol - https://goo.gl/TcM9Fm
Bizə maddi dəstək ol https://cutt.ly/destek

WebSite: http://www.meydan.tv
Facebook: http://fb.com/MeydanTelevision
Twitter: http://twitter.com/MeydanTV
Google+ https://plus.google.com/+MeydanTelevision/posts
İnstagram: http://instagram.com/meydantv
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277

Видео Bakıda terror aktı ola bilərmi? канала MeydanTV