Мүгедектер арбасын тегін жөндейтін мүгедек азамат | Өмірін өзгерткен жол апаты | ЕҢБЕК АДАМЫ #2

#Қазақстан #Мажилис #Депутат #НартайАралбайұлы #NartayNews #НартайНьюс #nartaynews #Еңбекадамы

🔹Спикер: Дәурен Алқанов - мүгедектер арбасын тегін жөндейтін мүмкіндігі шектеулі жан.

Сынақ – сынап сияқты. Сырғып барып, кімнің тағдырына тап боларын білмейсің. Бұл өмірде сүрлеуден сүріну қасқағымда. Бірақ, сол қиындықты еңсеру, қарсы тұру екінің бірінің қолынан келе бермейді. Бойда рух, ойда мақсаты бар адам ғана күрескер келеді. Бүгінгі кейіпкеріміз де, сол тағдырдың тауқыметіне төзе біліп, әр сәтті қадірлейтін қайсар жандардың қатарынан. Біз бүгін Дәурен Алқановпен танысу үшін Алматыға арнайы келдік.

Дәурен қираған арбаны түземейді. Дәурен, қираған арманды түзеп жүр. Дөңгелекке байланған тағдырлардың сынып қалмауын, жарты жолда тоқтап қалмауын күзетіп, демеп жүрген жан. Арбаны тегін жөндеуінің бір сыры осы болса керек.

Еңбек –еңсені тіктейді. Адамнан адамның айырмасы еңбегімен өлшенбек. Ендеше, біздің кейіпкер кәсіп ашып, оны табысты дөңгелетіп, елге игілігін көрсетіп отырғандықтан кем емес, кең адам деп айтуға болады. Жалпы, біз мүмкіндігі шектеулі деген тіркесті көп қолданамыз. Бірақ, шектеу бәрінде де, менде де,сізде де бар. Бірақ, сол шектеуден шығып, санадағы күрмеуді шеше алып жүрміз бе? Бұл енді бөлек әңгіме...

“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!

Интаграм: https://instagram.com/nartay_aralbayuli?igshid=vrytdav3x4e3
Фейсбук: https://www.facebook.com/nartai.sarsengaliyev

Видео Мүгедектер арбасын тегін жөндейтін мүгедек азамат | Өмірін өзгерткен жол апаты | ЕҢБЕК АДАМЫ #2 канала Nartay Aralbayuli