Ўзбеклар ва дунё: 10 минг одамга ёрдам берган ўзбек - BBC Uzbek

Ўзбеклар ва дунё: 10 минг одамга ёрдам берган ўзбек

Қаҳрамонимиз 40 ёшда. Оддий ишчи ва уста. Аммо ўтган икки йилнинг ўзида минглаб одамнинг оғирини енгил қилган, масжидлар қурган, қудуқлар қаздирган, мадрасаю касалхоналарга ёрдам қилган.

Ҳожи Абдураҳмон Башар Дўст Фарёбдаги бармоқ билан санарли кўнгилли хайрия ташкилотларидан бирининг асосчиси бўлади.

Марказий Осиёга бевосита чегарадош Фарёб Афғонистоннинг сўнгги йилларда хавфсизлик билан боғлиқ вазияти жиддий издан чиқиб бўлган иккита шимолий вилоятидан биттаси саналади.

Фарёб азал-азалдан мамлакатнинг ўзбеклар зич яшовчи вилоятларидан бири бўлиб келган.

Вилоятдаги давомий қуролли низолар сабаб, минглаб инсонлар ўз турар-жойлари, бор будларини ташлаб чиқишган, Фарёб маркази Майманадан бошпана топишган.

Мухбиримиз Шафийбек Ўғлига кўра, бу каби зўравонликлардан Фарёбнинг 70-80 фоиз аҳолиси у ёки бу шаклда зиён кўрган, жабр чеккан.

Қаҳрамонимиз ҳожи Абдураҳмон Башар Дўстнинг айтишича, ҳали оддий ишчи экан, бўш вақтларида шаҳар касалхонасидаги беморларнинг аҳволларидан хабар олиб турган.

Устачиликни йиғиштириб, хайрия ишлари билан шуғулланишига бувисининг қўлида қолиб, айни шу касалхонада давосиз хасталикдан вафот этган 10 ёшли болакайнинг ўлими сабаб бўлган.

Саккиз жондан иборат оиласининг ягона боқувчиси бўлган Ҳожи Абдураҳмон Башар Дўст ўз номида хайрия ташкилоти очишга қарор қилган.

Қаҳрамонимизнинг айтишича, ўтган бир ярим йил ичида ўн мингдан ортиқ одамга ёрдам беришган.

Касалхона, шифохона, мадрасалар ҳам уларнинг эътибори ва кўмагидан бир четда қолмаган.

Йиққан пулларидан аҳолига бир нечта масжид ҳам қуриб беришган, сувга эҳтиёжманд одамлар учун қудуқлар ҳам қаздиришган.

Кўринг, маъқул деб топсангиз улашинг ва ўз фикрингизни билдиринг...

Ҳожи Абдураҳмон Башар Дўстнинг бу ташаббуслари, қилаётган хайрия ишларига сиз нима дейсиз?

Тафсилотлари учун яна bbcuzbek.com га ҳам боқинг...

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek

Видео Ўзбеклар ва дунё: 10 минг одамга ёрдам берган ўзбек - BBC Uzbek канала BBC Uzbek