МАҚОМОТ ХЕШОВАНДОНИ ҲАМКОРОНИ ИЗЗАТ АМОНРО ДАР ТОҶИКИСТОН БОЗПУРСӢ КАРДААНД

Ҳамкорони Иззат Амон дар “Маркази Тоҷикони Маскав” мегӯянд, ки мақомот хешовандони онҳоро дар Тоҷикистон бозпурсӣ карда, тавассути онҳо паём фиристодаанд, ки фаъолияти худро қатъ карда, “ба кори бори худ машғул шаванд.”
Бахтовар Ҷумъаев, яке аз ҳомиёни шинохтаи ҳуқуқи муҳоҷирони тоҷик гуфт, кормандони УБОП падари ӯро аз Панҷакент ба Душанбе оварда, як рӯз дар боздошт нигоҳ доштаанд ва ҳамсарашро низ, ки дар Душанбе донишҷӯст, барои пурсиш даъват кардааст. “Ин ҳама ба хотири фишор болои ман аст, ки ман ба Тоҷикистон баргардам”-, гуфтааст Бахтовар ба Радиои Озодӣ.
Ӯ афзуд, ки рӯзи 10 май шахсан бо мақомоти УБОП дар тамос шуда, ба ғайриқонунӣ будани истифодаи фишор тавассути волидон таъкид кардааст, вале азбаски сарусадоҳо дар бораи эҳтимоли истирдоди ӯ низ вуҷуд дошт, муваққатан тарки қаламрави Русия кардааст. “Ҳоло андаке вазъият беҳбуд ёбад, боз ба Маскав бармегардам”, - гуфт ӯ.
Бино ба иттилои Озодӣ, пайвандони чанд ҳамкори дигари Иззат Амон дар Маскав, аз ҷумла Идибек Ҳасанов, Суҳроби Ҷаҳон, Мамадхон Эгамов, Ҳусейн Эшонқулов низ ба УБОП даъват шуда, мавриди пурсиш қарор гирифтаанд.

Видео МАҚОМОТ ХЕШОВАНДОНИ ҲАМКОРОНИ ИЗЗАТ АМОНРО ДАР ТОҶИКИСТОН БОЗПУРСӢ КАРДААНД канала Bomdod TV