Сүйінші! Тоқаев Заңға Қол қойды | Жер сатуға тыйым салды Кредит кешіріледі.. Тоқаев Іске көшті!

#Жаналыктар #Новости #Казахстан #кредит #жерсатылмасын

Бәріңізге Ассалаумағалейкум

Сіздерге Қасым Жомарт Кемелұлы Тоқаев басшы ретінде ұнай ма ағайын? Ал, МАҒАН ұнайды! Боқтамай тұра тұрыңыздар хэйтерлер! Белгілі теолог, қоғам қайраткері Қайрат Жолдыбайұлының мынау мақаласымен ауыз бастырық беремін қазір. Парақорлар мен 30 жылдық шіріген жүйеден қашан құтыламыз! Қағазстан атанған Қазақстанды кім Ғажабстан жасайды?! Украина мен Қырғыздың революциясы бізге қажет пе? Дикий Арман кімнің адамы? Бұл сұрақтарға бүгінгі видеомызда толыққанды жауап қайыратын боламыз. Кеттік ендеше!

Қайрат Жолдыбайұлы бүй деді!

Бірнеше жылда билік толықтай Тоқаевтың қолына өтеді
Жүйедегі ақау тозығы жетіп шіріген киім секілді әр жерден жыртылып жатыр. Бір жерін жамаса, екінші жері тесіліп шығады.
Жемқорлық әбден жайлағаны соншалық кейбір ірі шенеуніктер Арыстағы апатқа бөлінген қаржыға дейін қол сұқты. Күнде бір шенеуніңтің парамен ұсталғаны жайлы хабарға таңқалмайтын болдық. Әрине азғантай айлығымен мемлекеттік қызметтің отымен кіріп, күлімен шығып, жанын салып жұмыс істеп жүрген көптеген ары таза мемлекетшіл, білікті қызметкерлер де жеткілікті. Олардың бәрін бірдей парақор деп кінәлаған әділетсіздік деп ойлаймын.

Экономика толықтай мұнай мен шикізатқа тәуелді. Мұнайдың бағасы түскен сайын ыстығы көтерілген науқас адамдай доллардың да бағасы шарықтап кетеді. Соттың жағдайы да мәлім. Миллион доллар пара алып ұсталған Нилер көзді бақырайтып қойып сот залынан босатылып, тауық ұрлағандар көпекөрнеу қамалып жатыр. Халық сот жүйесіне мүлде сенбейді.
Миллион теңгеге “тағайындалған” депутаттар да рұқсат шеңберінде ғана сөз алып, бірдеңкені міңгірлегені болмаса, елдік мәселені көтеріп, биік мінбеден биліктің қателігін көрсетіп қатты сөйлегенін көргеніміз жоқ. Жарымайтын айлыққа жұмыс істеп жүрген мұғалімге де, дәрігерге де ренжи алмайсың. Қадірі кеткен мұғалімдердің сайлауда қандай сайқымазаққа айналғанын көрдік. Көрдік те түңілдік. Түңілдік те оларды сондай жағдайға дейін түсірген жүйеге лағынет айттық.

Демография күйреп тұр. 30 жылда жағдайы жоқ өзбек 59%, қырғыз 43%, азербайжан 37% өссе, қазақ небәрі 12% ғана өскен. Шаңырақ құрған жастардың 40% бір жылға жетпей ажырасып отыр.

30 жылда азғантай халықтың баспана мәселесі толық шешілген жоқ. Елорда халқы әлі күнге дейін көмір жағып отырса да әлемге жасыл энергияны үйретпек болған EXPO, LRT секілді еш пайдасы жоқ ірі жобаларға, мәнсіз жиындарға, той-томалаққа шашылған миллиярдттаған ысырапты қысқартып, орнына халықымыздың, көпбалалы отбасылардың, мұғалім, дәрігерлеріміздің жағдайын жасап тастауға болар еді.
Ұлттық идеология мүлдем жоқ. Қазақ тілінің мүшкіл жағдайы тағы белгілі. Мәжіліс пен сенат, өкіметіміз, барлық мемлекеттік мекемелер, көпшілік қала халқы әлі күнге дейін орысша шүлдірлейді. Дін саласы да оңып тұрғаны шамалы. Қазақты жік-жікке бөлген түрлі теріс ағымдар орнығып алды.
Жалпы ахуалымыз осы. Осындай мүшкіл жағдайда билік Қасым-Жомарт Тоқаевқа тиді. Онда да қол-аяғы маталған билік. 30 жылдық сірескен жүйе, биліктің айналасына шоғырланған олигархтар әлі де билікті уысынан шығарғысы келмейді.
.

Президенттің Елбасыға жиі жалтақтауы көп адамға ұнамаса да, оған мәжбүр екенін, толыққанды биліктің әлі қолына тимегенін халық түсініп те, көріп те отыр.
Біз Қырғызстан да, Украина да емеспіз. Асты да, үсті де байлыққа толы байтақ жер, аз ғана халықпыз. Түрлі елдердің мүдделері тоғысып жатыр. Сондықтан бізге революция мүлдем тиімді емес. Керісінше зиян. Тәуелсіздігімізге қауіп.
Енді не істейміз? Меніңше азаматтық қоғамды барынша оятуымыз қажет. Арзан күлкі, қысыр әңгіме емес, халықтың саяси санасын жетілдіріп, өз құқықтарын талап етуді үйретуіміз керек.
Мемлекет басшысы Қасым-Жомарт Тоқаев "Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы" заңға қол қойды, деп хабарлайды Ақорда.

Заңда ауыл шаруашылығы жерлерін шетелдіктерге және шетелдік компанияларға, шетелдік үлесі бар қазақстандық компанияларға, азаматтығы жоқ адамдарға, халықаралық қатысу үлесі бар ғылыми орталықтарға, сондай-ақ қандастарға беруге толықтай тыйым салынған.

Сонымен қатар мораторийге дейін ауыл шаруашылығы жерлерін жалға алған шетелдіктер және шетелдік үлесі бар қазақстандық компаниялар үшін жерді жалдау мерзімі ұзартылмайды. Осы заң күшіне енгеннен кейін жер шетелдіктерден қайтарып алынады.

Ал қандастарға жер учаскесі жеке қосалқы шаруашылық, бақ өсіру және саяжай құрылысы үшін беріледі. Олар ауыл шаруашылығы жерлерін Қазақстан азаматтығын алғаннан кейін ғана жалға ала алады.
13 наурызда мемлекет басшысы шетелдіктерге жерді сатуға және жалға беруге тыйым салатын заң жобасын парламентке жолдады. Тоқаев өзінің президент ретінде заң шығаруға бастамашылық ету құқығын пайдаланған.

Бұған дейін Қасым-Жомарт Тоқаев ауыл шаруашылығы жерлері шетелдіктерге сатылмайтынын бірнеше мәрте мәлімдеген болатын.

Жер туралы заңның атышулы баптарына қатысты жарияланған мораторийдің мерзімі 2021 жылдың желтоқсанында аяқталады

Видео Сүйінші! Тоқаев Заңға Қол қойды | Жер сатуға тыйым салды Кредит кешіріледі.. Тоқаев Іске көшті! канала TALQYLAIYQ