Кўп асрлик, барқарор, замонавий корхона!

Темир йўллар иқтисодиётнинг қон томирлари дея эътироф қилинади. Бу бежиз эмас. Чунки, темир йўл қурилибдики, ундан асосан юк ва йўловчи ташишда кенг фойдаланиб келинади.

«Ўзбекистон темир йўллари» акциядорлик жамиятига қарашли “Oʼztemiryoʼlmashtaʼmir” унитар корхонаси мамлакатимиздаги энг кўҳна, Ўрта Осиёда эса ўзига хос тарзда жадал ривожланаётган машинасозлик корхоналаридан биридир.

Мазкур йирик саноат мажмуаси таркибига айни кунда «Андижон механика заводи» ва «Қуюв-механика заводи» шўба корхоналари киради. Ҳозирги кунда жами ишчи-ходимларнинг умумий сони 4000 нафардан ошиқни ташкил қилади. Шундан қарийб 1500 нафарга яқини “Oʼztemiryoʼlmashtaʼmir” унитар корхонасида фаолият олиб боради. Бугунги кунда дунё миқёсида долзарб бўлиб турган пандемия даврида ҳам бу заводда иш бир маромда ташкил қилинган. Корхонага киришда санитария гигиена қоидаларига риоя қилиниб, ишчи ходимларнинг тана ҳарорати ўлчаниб, бир марталик тиббий ҳимоя ниқоблар билан таъминланмоқда.

Умумий майдони қарийб 25 гектарни ташкил қилган мазкур корхонада сўнги 2 йил давомида жуда катта ҳажмда бунёдкорлик, реконструкция ва қайта жиҳозлаш ишлари амалга оширилди. Натижада корхонадаги 2 аср билан юзлашган бинолар ҳам замонавий кўринишга эга бўлди. Олиб борилган ободончилик ишлари эса, корхонанинг кўркига янада кўрк қўшиш билан бирга, ҳудудда мусаффо ҳаводан баҳраманд бўлиб, ҳордиқ чиқаришга имкон яратмоқда. Ана шундай кўкаламзор масканни ўз қаърига олган йирик саноат мажмуасида айни кунда иш қизғин давом этмоқда.

Видео Кўп асрлик, барқарор, замонавий корхона! канала Xalq so'zi Online