УСТОЗ РИСЛИГОЙ ХОТАМОВА ИЖОДИДАН

Ичимдан бир мард чиқиб, мардон сари йўл олди.
Бир мурид этак ўпиб, авлиёдан қўл олди.
Бир ошиқ чиқиб, жон деб, жонон сари йўл олди,
Аммо чиқмади шайтон.
Эскиб кетган дунёнинг увадаси на керак,
Хиссиз, ожиз олчоқнинг бир тўдаси на керак.
Менга Фирдавс керакдир, ғулмон керак ҳур керак,
Асло керакмас ёлғон.
Қалбимни покла ясин,
Зангламасин зохирим.
Фатҳга етказ, Фотиҳа мўмин бўлсин ботиним,
Раҳмингиз келсин менга, эй, киромин катибин.
Бўлгим келмас сўл томон.
Ёрдан қолган изларни итдек кўриб ётибман,
Қушни чўқиб ётибман,
отни тепиб ётибман.
Илдиз отиб кетибман, гуллаб шохлаб ётибман,
Аммо келмади ҳамон.
Тик тургани ҳоли йўқ, тоғлар титрай бошлади.
Сулаймон йўқ ҳар ерда девлар ўтлай бошлади.
Искандар деворининг кенгайди тирқишлари,
Жон кетсин кетма иймон.
Мол кетсин кетма иймон.
Раҳминг келсин ё Раҳим,
Куфрдан асра Раҳмон
Қўрқитар охир замон, силкитар охир замон.

@Risligoy_Hotamova_ijodi sherlari

Видео УСТОЗ РИСЛИГОЙ ХОТАМОВА ИЖОДИДАН канала HAVASKOR MEDIA