Үкіметтен үлкен қаржылай қолдау көрген кәсіпкерлердің ісі өрге домалап жатыр

Әкімшілік кедергіден ада, бизнес жүргізудің тиімді жолын таңдаған, үкіметтен үлкен қаржылай қолдау көрген кәсіпкерлердің ісі өрге домалап жатыр. Бұл туралы жыл аяқталуға жақын қалғанда есеп берген кәсіпкерлер мәлімдеді. «Қолдаудың арқасында көп ілгеріледік» - дейді. Өйткені, оларға «Алматы бизнес-2025», «Қолдау», «Қарапайым заттар экономикасы», «Бизнестің жол картасы -2025» және «Еңбек» бағдарламалары мүмкіндік беруде.
АЙХАН МАМЫРОВА, ILAB100+ зертханасының Бас директоры:
– Биохимикалық, гемотология, ПТР, ИФА диагностикасы, оның ішінде өте керек Ковид 19-ды біз зерттейміз. Біздің айырмашылығымыз - бұл жерде оқу орталығы да ашылып жатыр. Өйткені, қазір бізде зертхананың бәрінде сапалы қызмет жасалуы керек.
Зертхана ісі саласында 20 жылдық еңбек тәжірибесі бар Райхан Мамырова жаңа ашылған зертхана жұмысымен таныстырып тұр. Айтуынша, пандемия кезінде аса қажетті сала екені білінген - үлкен зертхана орталығын заманауи қондырғылармен қамтамасыз ету үшін «Алматы бизнес-2025» бағдарламасы арқылы төмен пайыздық несие алыпты.
ИРИНА СОВЕТЖАНҚЫЗЫ, Тілші:
– «Алматы бизнес-2025» бағдарламасы аясында бұл зертханаға 50 миллион қаражат қарастырылып, мына секілді он шақты заманауи, озық технологиялы аппараттар сатып алынған. Соның бірі СOBAS интегра 400 аппараты. Аты айтып тұрғандай, бір мезгілде 400 сынамаға зерттеу жасалады.
«Шипа мед» медицина орталығы да «Алматы» шағын қаржыландыру ұйымы арқылы төмен пайызбен 40 миллион теңгеге қол жеткізіпті. Медмекеме басшысы УДЗ аппараты, физиоем, төсек-жабдықтар, фитоқайнатпаларды әзірлейтін құрылғылар сынды бірқатар техникамызды түгендеп алдық дейді. Дәл осындай алматылық көп кәсіпкердің бизнесін жүргізуге қажет жоспарын жасап, қаржылай көмек алуға «Қолдау» кәсіпкерлік орталығы мұрындық болған.
ДАМИР ТАЗАБЕК, Алматы қаласы Кәсіпкерлік және инвестициялар басқармасы бастығының орынбасары:
– Осы жылдың басынан бері «Qolday» орталығында кәсібін дөңгелетіп жүрген кәсіпкерлер мен ісін енді бастаған және 6000-нан астам бизнесмен білім алды. 400-ге жуық бизнес жоспарлар жасалды. 450-ден астам жобаның іске асуына рұқсатнама құжаттары әзірленді. Оларға жалпы көлемі 42 млдр теңге қаржылай қолдау көрсетілді.
Айта кету керек, осы «Qolday»ды құрған «Almaty Business-2025» Кәсіпкерлікті дамыту өңірлік бағдарламасы аясында «Almaty Finance» және «Алматы» шағын қаржыландыру институттары арқылы 8 млрд теңгеге 76 жоба қаржыландырылған.
Ирина Советжанқызы, Влад Шишко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Үкіметтен үлкен қаржылай қолдау көрген кәсіпкерлердің ісі өрге домалап жатыр канала Информбюро 31