Şamaxının susuz qalan kəndi - Baku TV

Şamaxının susuz qalan kəndi - Baku TV

Şamaxının Çarhan kənd sakinləri hələ də əllə su daşıyır, o da su tapılsa. Yaşlı qadınlar belə çiyinlərində səhəng, əllərində su qabları bulaq yolunda qalıblar.

Kənddə indiyədək 4 bulaq olub, ancaq zaman ötdükcə bulaqlarda su azalıb. Bəziləri isə tamamilə quruyub. Hazırda su olan iki bulaq isə uzaq məsafədə yerləşdiyindən kənd sakinlərinə çətinlik yaradır.

Bulaqlara su gələndə Çarhan kəndində sanki toy-bayram yaşanır. Çünki sakinlər azı 5 gün gözləməli olurlar. Bu müddətdə yaranan növbələr artıq hər kəsin səbir kasasını daşırıb. Su üstündə düşən davalar isə ənənə halını alıb. Saatlarla növbə gözləyən ağbirçəklər bəzən əliboş geri dönürlər. Həmin gün ailələrindəki hər kəs susuz qalır.

Çarhanda yaranan bu acınacaqlı vəziyyətə səbəb illər öncə çəkilən su borularının sıradan çıxmasıdır. Dəfələrlə partlayan borular müvəqqəti bərpa edilsə də, yenidən eyni hal yaşanır. Nəticədə kəndlilər günlərlə susuz qalır.

Problemdən xəbərdar olan kənd icra nümayəndəsi isə sakinlərin fikirləri ilə razılaşmayıb.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Şamaxının susuz qalan kəndi - Baku TV канала Baku TV