Қаржылық пирамида ісімен сотталған әйелдердің балалары, туыстары Президенттен көмек сұрайды

Түркістан облысында қаржылық пирамида ісімен қамауға алынған көп балалы аналардың туыстары мен балалары Президентке бейнеүндеу жолдады. Олар екі жылға жуық қамауда отырған әйелдерді күзетпен ұстаудан босатып, үй қамаққа жіберсін деген талап қойып отыр. Айта кетейік, Мақтаарал ауданындағы полиция бөлімі ғимараты алдына жиналған сотталушылардың ет жақындары бүлдіршіндердің аналарын сағынғандарын айтып, уақытша бостауды өтінген еді.
Түркістан өңіріндегі қаржылық пирамида ісінде қатысты сотталушының басым бөлігі - көпбалалы аналар. Туыстары олардың қамауға алынғанына қарсылық білдіріп, сан мәрте шағым да берген. Бірлі-жарымы ғана үйқамаққа шығарылып, көпшілігін қамауда ұстау заңды деген сонда тергеу мен сот. Ал бүлдіршіндері анасын сағынды деген жақындары былтыр да бас көтерген еді. Балалар күні қарсаңында сотталушылардың туыстары тергеу абақтысы маңына қайта жиналды.
ГҮЛАЙ АСЫЛБЕКОВА, Сотталушының туысы:
– Үй қамаққа шығаруға болады ғой. Бүгінгі күні екі әйел үйде отыр. Даже онлайн қатысып отыр. Мен оларды үйде отыр деп күндемеймін. Неге менің келінім де үйде отырып онлайн қатыспайды. Осылай үй қамаққа шығармайтын болса, Президентіміздің алдына баруға тура келеді.
Қорғаушы тарап тағылған айыптардың ішіндегі қаржылық пирамида құруға да, ұйымдасқан топ құру әрі оны басқару айыбына да қарсылық білдірген. Сот басталған сегіз айдың ішінде бар-жоғы 60 жәбірленуші ғана сұралды, ал 2093 адамды сұрап біту үшін кемі 2-3 жыл керек болар дейді. Айыпқа қатысты талабы да, үй қамаққа босатуды сұрағаны да қолдау таппапты. Қамауда отырғандар ішінде оқу ордасы басшылары да бар екен.
ЖАРҚЫНБЕК ИБАДУЛЛАЕВ, Қорғаушы:
- Бұл жерде қамауда отырғандардан бірнеше мектеп директорлары, завучтар да бар. Негізінен Жетісай, Мақтаарал ауданынан.
Түркістан қалалық сотындағылар 940 бумадан астам іс қазір қаралу үстінде деді. 23 сотталушыға күзетпен ұстау шарасы қолданылған іс бойынша 2093 жәбірленуші, 175 куә бар екен. Тек іс қаралу барысында төрағалық етуші судья сұхбат бере алмайды, ол Негізгі заңға қайшы дейді.
АИДА САПАРБЕК, Түркістан қалалық сотының БАҚ өкілдерімен жұмысты үйлестіруші судья:
– Қазіргі таңда іс қаралу барысында. Осыған орай Қазақстан Республикасы Конституциясының 77 бабының талабына сай судья сот төрелігін іске асыру кезінде тәуелсіз және Конституция мен заңға ғана бағынады. Істі қарау барысында соттың қызметіне қандай да болсын араласуға жол берілмейді және оған қатысты жауапкершілік қарастырылғаны түсіндіріледі.
20-дан астам жәбірленуші сотта қылмыстық іс құжаттарындағы хаттамаларда кейбір қойылған қол біздікі емес деген екен қорғаушы тарап. Істі қараушы судья сот-қолтаңбалық сараптама тағайындап, қаулыны сарапшыға жолдағанын жеткізді. Ал сотталушы аналардың туыстары балаларын сөйлетіп, Президентке видео үндеу жолдағандарын айтты.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Индиго24 #фин_пирамида #қаржылық_пирамидалар

Видео Қаржылық пирамида ісімен сотталған әйелдердің балалары, туыстары Президенттен көмек сұрайды канала Информбюро 31