გიორგი გაბუნიას საქმე

უკრაინელი ჟურნალისტები გიორგი გაბუნიას შესახებ სიუჟეტის მომზადების შეკვეთას მისი ლიკვიდაციის სავარაუდო სქემას უკავშირებენ

საინფორმაციო სააგენტო „უკრაინის ახალი ამბების“ ჟურნალისტები ვალერი ტოვმაჩი და ოლეგ დეინეკა აცხადებენ, რომ წლის დასაწყისში გიორგი გაბუნიას შესახებ სიუჟეტის მომზადების შეკვეთა მიიღეს. ამის შესახებ ისინი „იმედის კვირასთან“ საუბარში ყვებიან. ისინი ყვებიან, რომ თებერვალში მათ საქართველოს ორი წარმომადგენელი დაუკავშირდა, ვინმე ედუარდი და ზურაბი და შესთავაზეს გიორგი გაბუნიაზე ისტორიის მომზადება, რომელმაც ერთი წლის წინ რუსეთის პრეზიდენტს შეურაცხყოფა მიაყენა.

ჟურნალისტები აცხადებენ, რომ ამ სიუჟეტის მიზანი მათთვის მას შემდეგ გახდა ნათელი, რაც უკრაინულ ვებგვერდზე Obozrevatel სავარაუდოდ ზურაბ ადეიშვილის და მიხეილ სააკაშვილის სატელეფონო საუბარი გამოქვეყნდა.

„არის გაბუნია, არის მისი ხელმძღვანელი, რომელმაც ბრიფინგი გამართა და აღიარა, რომ იცოდა დაგეგმილი მკვლელობის შესახებ და ფაქტს მალავდა. არის დამფინანსებელი ადეიშვილის სახით-ადამიანის გაპიარება და ნაციონალურ ლიდერად ქცევა არ არის ხომ ცოტა თანხასთან დაკავშირებული?! პრიბალტიკის ქვეყნები, მოლდოვა, უკრაინა-უკვე ხუთი ქვეყანაა სადაც მინიმუმ უნდა გაპიარებულიყო გაბუნია და წარმოიდგინეთ ამ ყველაფრის დაფინანსება-სატელევიზიო გადაღებები, ცხოვრების ხარჯი, შეხვედრები ადამიანებთან, ტრანსპორტი, ავიაბილეთები. და ბოლოს, არის სააკაშილი, რომელიც ამ პროექტს კურირებდა, როგორც პოლიტიკურ პროექტს. გვარამიას ბრიფინგმა და ადეიშვილი-სააკაშილის სატელეფონო ჩანაწერით დასტურდება, რომ ეს ყველაფერი არა მხოლოდ საიდუმლოდ ინახებოდა, არამედ ყველაფერი თავიდანვე გაწერილი იყო, ეს პოლიტიკური პროექტი უნდა დასრულებულიყო რეზონანსული მოვლენით, ჟურნალისტის მკვლელობით, ან თავდასხმით. შემდეგ ამას პოლიტიკური მიზნებისთვის გამოიყენებდნენ“, - ყვება ტოლმაჩოვი.

მათვე თქმით, სქემის შესახებ ნიკა გვარამია ინფორმირებული იყო. სიუჟეტის დამკვეთები კი მათ მხოლოდ გაბუნიასთან დაკავშირებას სთხოვდნენ, რომელიც უკრაინელი კოლეგების შეტყობინებებს არ პასუხობდა.

„ამ ხნის განმავლობაში სულ კავშირზე ვიყავით ამ ორ ადამიანთან. ისინი ამ პროექტით იყვნენ დაინტერესებული, რადგან უკრაინაში ბიზნესს დაჰპირდნენ. ეს არის მინერალური სასუქების ბიზნესი, რომელშიც მიხეილ სააკაშვილია და მას შემდეგ, რაც ნაციონალური რეფორმების საბჭოში გადავიდა, ამ ბიზნესიდან გაქრა. თუ გავიხსენოთ, მას შემდეგ რაც თანამდებობაზე მოვიდა, ერთ ერთი მისი პირველი მოთხოვნა იყო, რომ ბაზარზე იმპორტირებული მინერალური სასუქების წილი გაზრდილიყო. ეს იყო სწორედ ის ბიზნესი რასაც ეს წყვილი საქმიანობდა. და მოლოდინი ჰქონდათ, რომ გაიზრდებოდა მათი ბიზნესის წილი უკრაინის ბაზარზე, იმის სანაცვლოდ, რომ ეს ისტორია მომზადდებოდა გაბუნიაზე. ჩვენ დარწმუნებულები ვართ, რომ ისინი სამომავლო გეგმების შესახებ ინფორმირებულები არ იყვნენ და ამ სქემის უდანაშაულო მონაწილეები არიან, ამიტომ მათი ვინაობის გამოქვეყნებას არ ვაპირებთ. მათი წყალობით გავიგეთ, როგორ აპირებდნენ პოსტსაბჭოთა ქვეყნებში გიორგი გაბუანიას გაპიარებას“, - ამბობს დეინეკა

Видео გიორგი გაბუნიას საქმე канала TV IMEDI