24 вопроса. Николай Пинигин и Зоя Белохвостик - о Национальной театральной премии

Лепшыя з лепшых у тэатральным асяроддзі атрымалі ўзнагароды! У Беларусі адзначылі пераможцаў 4-ай Нацыянальнай тэатральнай прэміі. Сёлета 21 спектакль прэтэндаваў на перамогу ў 19-ці намінацыях.

Праўда, не ва ўсіх удалося захаваць інтрыгу. Так, у намінацыях “Лепшы оперны спектакль” і “Лепшы спектакль балета” спаборнічалі толькі пастаноўкі Вялікага тэатра. Тая ж гісторыя – з Музычным тэатрам. Гэта дало падставу некаторым крытыкам заявіць: часам барацьба паміж тэатрамі не зусім сумленная. І ўвогуле - у тэатральнай Беларусі не хапае якаснага прадукту для такіх конкурсаў.

У гэтым годзе ўпершыню паказалі тэлеверсію ўручэння прэміі. А найбуйнейшы медыяхолдзінг краіны – Белтэлерадыёкампанія – заснавала свой прыз. Спектакль “Пінская шляхта” Палескага даматычнага тэатра запішуць на стужку і пакажуць на тэлеэкране.

Дык што ж такое Нацыянальная тэатральная прэмія? Адзін з найбольш адказных праектаў у Год культуры, абсалютна неабходная рэч – кажуць адны. Мілы міжсабойчык, які ні на што не ўплывае – парыруюць другія. Хто мае рацыю?

Як запальваюцца тэатральныя зоркі, і каму гэта патрэбна? – пагаворым сёння ў праграме. Нашы госці - мастацкі кіраўнік Нацыянальнага акадэмічнага тэатра імя Янкі Купалы Мікалай Пінігін і актрыса Купалаўскага тэатра, заслужаная артыстка Беларусі Зоя Белахвосцік.

Видео 24 вопроса. Николай Пинигин и Зоя Белохвостик - о Национальной театральной премии канала максим угляница