ბაგრატის ტაძარი (მაკეტი). Bagrati Church model

ბაგრატის ღვთისმშობლის მიძინების სახელობის ტაძარი აგებულია 1003 წელს, ბაგრატ III-ის (975-1014) მეფობაში, ქუთაისში, უქიმერიონის გორაზე.
2000 წლიდან ბაგრატის ტაძრის 1000 წლის იუბილესთან (2003 წ.) დაკავშირებით ახალი ტემპით გაგრძელდა კვლევითი და არქეოლოგიური სამუშაოები. კვლევის შედეგად გამოვლინდა რომ XX საუკუნეში რეკონსტრუირებული მასალა ძალიან მყიფე იყო და ვერ უზრუნველყოფდა ავთენტური ელემენტების მდგრადობას.
რესტავრატორმა ივანე გრემელაშვილმა, რომელიც ვახტანგ ცინცაძის სამეცნიერო-კვლევითი ჯგუფის წევრი იყო, ბაგრატის ტაძრის ცინცაძისეული რეკონსტრუქციის მიხედვით შეიმუშავა ტაძრის რეკონსტრუქციის პროექტი და მეთოდოლოგია, რომელიც ითვალისწინებდა ყველა ავთენტური ქვის, რომელთა იდენტიფიცირებაც მოხდა, თავის ადგილზე დაბრუნებას და იმ ფორმების შევსებას თავდაპირველი სტილით, რომლის მოხაზულობაც ეჭვს არ იწვევდა, სადაც გამოყენებულ იქნებოდა ანალოგიური ქვის მასალა, თლის ტექნიკა და დიზაინი. ეჭვს იწვევდა მხოლოდ დასავლეთი მკლავი, რომელიც ავთენტური მასალის სიმწირის გამო რეკონსტრუქციისას იმიტაციის საშიშროებას ქმნიდა, ამ პრობლემების გადასაჭრელად და პროექტის საერთაშორისო სტანდარტებთან შესაბამისობაში მოსაყვანად, UNESCO-ს რჩევების გათვალისწინებით, 2010 წლიდან სახელმწიფოს მიერ მოხდა საერთაშორისო ექსპერტების ჩართვა.
პროექტს დადებითი გამოხმაურება მოჰყვა, თუმცა, სამწუხაროდ მას განხორციელება არ ეწერა. დღევანდელი სახით რესტავრირებულ ბაგრატის ტაძარს ამ პროექტთან არავითარი კავშირი არ აქვს, რადგან 2009 წელს საქართველოს იმდროინდელი პრეზიდენტის, მიხეილ სააკაშვილის ინიციატივით საქართველოს მთავრობამ პროფესიონალ-რესტავრატორებთან შეუთანხმებლად და დამოუკიდებლად დაიწყო ტაძრის რეკონსტრუქცია. 2010 წელს მსოფლიო მემკვიდრეობის კომიტეტმა ბაგრატის ტაძარი საფრთხის ქვეშ მყოფი ძეგლების სიაში ჩარიცხა. ამის მიზეზად კომიტეტმა 2009 წელს ტაძარზე დაწყებული სარეკონსტრუქციო სამუშაო დაასახელა, რომელიც შენობის ავთენტურობასა და მთლიანობას არღვევს. 2012 წელს სანქტ-პეტერბურგში გამართულ 36-ე სხდომაზე მსოფლიო მემკვიდრეობის კომიტეტმა ბაგრატის ტაძარი კვლავ საფრთხის ქვეშ მყოფ ძეგლთა სიაში დატოვა.

P.S.
შეუსაბამო რეკონსტრუქციის გამო 17.06.2013-ში UNESCO-მ 37-ე სესიაზე მსოფლიო მემკვიდრეობის უნიკალურ ძეგლთა ნუსხიდან ბაგრატის ტაძრის ამოღების გადაწყვეტილება მიიღო...

ვიდეორგოლში გამოყენებულია მუსიკა კინოფილმიდან "სვანი"
კომპოზიტორი: ჭაბუკა ამირანაშვილი
ვოკალური შესრულება: ციური მჭედლიძე

Bagrati Cathedral (model)
The Kutaisi Cathedral of the Dormition, more commonly known as Bagrati Cathedral is built in 1003 by King Bagrat III (975-1014) in the city of Kutaisi ( Imereti region of Georgia).
Research and archaeological works in connection with the 1000th anniversary of Bagrati Cathedral resumed with new vigor in 2000. The research revealed that materials reconstructed in XX century could not ensure sustainability of authentic elements due to their fragility.
Restorer Ivane Gremelashvili who was a member of Vakhtang Tsintsadze scientific-research group, worked out reconstruction project of the Cathedral on basis of Tsintsadze reconstruction model and developed a methodology considering to return all identified authentic stones to their places, to restore original shapes of those ones outlines of which were not in doubt with analogue stone material, hewing technique and design. Only the western arm evoked suspicion creating a danger of imitation during the renovation because of the lack of authentic materials. To solve these problems and bring the project in line with the international standards, involvement of international experts have been organized by the State in cooperation with the UNESCO in 2012.
Despite the positive reviews, the project has not been implemented unfortunately. Present form of restored cathedral has no connections with the project as in 2009 the Government under the initiative of President of Georgia – Mikheil Saakashvili started reconstruction activities independently, without consultations with restoration professionals. In 2010, the World Heritage Committee included the cathedral into the list of endangered monuments. The Committee explained this fact by reconstruction activities started for the Cathedral in 2009 violating authenticity and integrity of the building. At the 36th session held in St. Petersburg in 2012, the World Heritage Committee took a decision to keep the cathedral in the list of endangered monuments.

P.S.
Due to its irrelevant reconstruction, on the 37th session held in June 17, 2013, the UNESCO’s World Heritage Committee decided to remove Bagrati Cathedral from the list of the unique monuments.

Music is taken from the film “Svani”
Composer - Chabuka Amiranashvili
Vocal - Tsiuri Mchedlidze

Видео ბაგრატის ტაძარი (მაკეტი). Bagrati Church model канала mamukabuka