Problemlər girdabında boğulan kənd - Baku TV

İstidə susuz, küləkli havada işıqsız qalan sakinlər kömək istəyirlər - Baku TV
Qəbələ rayonunun Quşlar kəndinin sakinləri isti havada susuz, küləkli havada isə işıqsız qalır.

Kənd coğrafi mövqeyinə görə yüksəklikdə yerləşir. Burada mövcud olan qədim artezianlar quruyub və istifadəyə yararsız vəziyyətdədir. İsti havlarda uzaq məsafələrdən əllə daşınan su isə kəndlilərin ehtiyacını ödəmir. Quruyan su quyuları kənd sakinlərinin min bir əziyyətlə əkib-becərdiyi bostan sahələrinin məhvinə səbəb olur, kəndli meyvə-tərəvəzi bazardan almaq məcburiyyətində qalır.

Kəndin problemi bununla da bitmir. 1961-ci ildə çəkilən elektrik xətləri istifadə müdddətini başa vurduğu üçün külək əsən kimi naqillərdə qısaqapanma baş verir. Sakinlər deyir ki, nəticədə məişətdə istifadə etdikləri avadanlıqlar yanaraq sıradan çıxır.

Kəndin üçüncü, ən böyük problemi isə mavi yanacaqdır. Qış aylarında sakinlər evlərini qızdırmaq üçün odundan istifadə edir. Qırılan meşələr isə təbiətə vurulan ən böyük zərbədir.

Məsələ ilə bağlı “Azəriqaz” ASC-dən bildirilib ki, qazlaşma proqramı “Regionların 2019-2023-cü illərdə sosial-qitisadi inkişafı Dövlət Proqramı” çərçivəsində maliyyə imkanlarına uyğun şəkildə həyata keçirilir. Qəbələ rayonunun Quşlar kəndində də növbəti illərdə paylayıcı küçə qaz xətlərinin çəkilməsi nəzərdə tutulur.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Problemlər girdabında boğulan kənd - Baku TV канала Baku TV