Тропари по непорочных. Музыка Чеснокова П. Г.

#тропарипонепорочных, #тропари
Прослушать воскресные "непорочные" тропари в различном исполнении здесь: http://www.orthodoxliturgy.info/Evensong.htm#Part2
Текст песни Воскресные тропари по Непорочных:
Благословен еси, Господи, научи мя оправданием Твоим.
Ангельский собор удивися, зря Тебе в мертвых вменившася,
смертную же, Спасе, крепость разоривша, и с собою Адама
воздвигша, и от ада вся свободша.
Благословен еси, Господи, научи мя оправданием Твоим.
Почто мира с милостивными слезами, о, ученицы, растворяете;
блистаяйся во гробе Ангел мироносицам вещаше: видите вы
гроб и уразумейте, Спас бо воскресе от гроба.
Благословен еси, Господи, научи мя оправданием Твоим.
Зело рано мироносицы течаху ко гробу Твоему рыдающыя,
но предста к ним Ангел и рече: рыдания время преста,
не плачите, воскресение же апостолом рцыте.
Благословен еси, Господи, научи мя оправданием Твоим.
Мироносицы жены с миры пришедшия ко гробу Твоему, Спасе,
рыдаху, Ангел же к ним рече, глаголя: что с мертвыми
живаго помышляете? Яко Бог бо, воскресе от гроба.
Слава…
Поклонимся Отцу и Его Сынови и Святому Духу, Святей
Троице во едином существе с Серафимы зовуще:
Свят, Свят, Свят еси Господи.
И ныне и присн и вовеки веков. Аминь.
Жизнодавца рождши греха, Дево, Адама избавила еси,
Радость же Еве в печали место подала еси. Падшия же от
жизни к сей направи, из Тебе воплотивыйся Бог и Человек.
Аллилуиа, Аллилуиа, Аллилуиа, слава Тебе, Боже (трижды).

Видео Тропари по непорочных. Музыка Чеснокова П. Г. канала Natalya Platonova