СҰМДЫҚ! БОКСШЫЛАРДЫ САБАП ТАСТАДЫ/ДИКИЙ АРМАН ЕЛДІ ШУЛАТТЫ/ӨЗТҮРІК СПОРТШЫЛАРДЫ ҚОРҚЫТТЫ!😱

Бәріңізге Ассалаумағалейкум

Дикий Арман елді тағы да шулатты. Бүкіл жұрттың назарын бұрғызып боксшыларға ақшаны оңды солды таратуына не себеп болды? Махмұд марапаттау рәсімінде не үшін жылап жіберді? Алтын алған қазақ спортшыры туралы не дейміз? Марқұм Мұстафа Өзтүрік шәкірттерін не деп қорқытты? Бұл туралы өте қызықты ақпараттарды сізге Көрген дұрыс!

Бокстан Белградта (Сербия) өткен әлем чемпионатында Қазақстан құрамасы екі алтын, екі күміс, бір қола медаль иеленді. Қазекемнің бұл жолы қанжығасы майланып, қоржынға бес медаль сала келді. Спортшыларымыздың осындай жетістігіне шаттанған президент Қасымжомарт Кемелұлы Тоқаевта өзінің құттықтау сөздерін желі арқылы жолдаған болатын.
ҚАЗАҚСТАННАН КІМДЕР ЖҮЛДЕ АЛДЫ осығын тоқтала кетейін

"Халқыма маған қолдау көрсеткені үшін бас иіп, алғысымды айтамын" деді Белградтағы әлем чемпионатында 48 келіде жеңімпаз атанған Теміртас Жүсіпов. 33 жастағы боксшы әлем чемпионатының финалында таиландтық Вуттичай Юрачайды жеңді. Бұл – Теміртас Жүсіповтың алғашқы чемпионаты және алғашқы жүлдесі.
Теміртас қыркүйекте Ресейде өткен әскерилер арасындағы әлем чемпионы атанған еді. Боксшы екі айдың ішінде екі ірі жарыста топ жарды
24 жастағы Сәкен Бибосынов финалда америкалық Роско Хиллден басым түсіп, 51 келіде әлем чемпионы атанды. Бибосынов тамызда Токиода өткен олимпиада ойындарында қола медаль иеленген.

Боксшы Белградтағы әлем чемпионатының басында "мұнда алтын үшін келдім, барымды саламын" деген еді.

Бибосынов бірінші кездесуде Рио олимпиадасының чемпионы өзбекстандық Хасанбой Дусматовты, үшінші айналымда Рио олимпиадасының күміс жүлдегері колумбиялық Юберхен Мартинесті жеңді. Жәрайсың арыстаным. Сенің есімің қазақ спортының тарихында қара тасқа қашалып жазылатын болады
Ал 20 жастағы Махмұд Сабырхан финалда жапониялық Тамоя Цубойдан жеңіліп, 54 келіде күміс медаль иеленді. Жас боксшы финалға дейін қарсыластарын қиналмай жеңіп келген еді. Желіде жанкүйердің көбі бұл боксшының алтын алатынына сенімді болған.
Алайда, додадан сәл ғана тұяғы сүрінген Махмұд марапаттау рәсімінде өкініштен жылап жіберді. Ол өз сөзінде қатты намыстанып:
"Финалда не жетпей қалғанын білмеймін. Үшінші раундта көп ұрған сияқты едім. Қуып жүріп ұрдым. Маған бермеді... Мақсатым жеңіске жету еді. Жеңімпаз болмағаным үшін жанкүйерлерден кешірім сұраймын. Алда әлі талай әлем чемпионаттары мен Олимпиада ойындары бар. Сол сындарда алтын аламын" деді боксшы жарыстан соң. Махмұдтың осындай өжеттілігі мен ар-намысының асқақтығын көріп отырып, жарықтық Мұстафа Өзтүріктің шәкірттерінің уақиғасы есіме түсіп кетті. Сол бір шақта Шәкіртінің намыстан жылағанын марқұм Мұстафа былайша есіне алған еді:
«…Бір ретте Қазақстан атынан халықаралық жарысқа шықтық. Сөйтіп біздің үш спортшымыз финалға өтті. Бірақ жігіттердің: «Бізге екінші орын да жетеді. Әлгілер мықты, еуропа чемпиондары. Бастарыңды абайлаңдар», — деген әңгімелерін естіп қалдым да ыза болып кеттім. Сонан соң ол үшеуін былай шығарып алып: «Сендер мұнда не үшін келдіңдер?! Маған және менің еліме екінші орынның керегі жоқ. Бірінші орын керек маған! Қазір финалдасыңдар. Жеңіліп қалсаңдар не беттеріңмен елге қайтасыңдар? Бұл жарыстан қалай да алтын аласыңдар. Алмасаңдар, Стамбулда көміп кетемін!» дегенде олар: «Өлтіреміз!» деді. Осыдан кейін екі шәкіртім алтын алды. Маңдайларынан сүйдім. Ал әлгі жеңіліп қалған үшінші спортшымыз жоқ. Ары-бері іздедік. Сөйтсек, бір түкпірде жылап отыр екен. Мені көрді де: «Аға, кешіріңізші. Келесіде жасаймын, ендігіде жібермеймін» деді. Мен намысын қайрап: «Келесі деген енді болмайды. Әлде Қазақстанда басқа мықты спортшы жоқ деп ойлайсың ба? Бұдан былай келмейсің!», — деп едім, анау одан сайын өкіріп жылады. Сонан соң: «Айналайын, елім, жерім деп жылағаның үшін рахмет. Сенің ішкі дүниеңді көріп, сезіп тұрмын. Сен чемпиондардың чемпионы боласың», — дедім…» деп Марқұм Өзтүрік өшпес естелік қалдырған еді.

Мінекей. Бүгінгі чемпионаттан соң қазақтың әлі де ар намысты жігіттері сайыпқырандай сайын даланы кезіп жүргеніне көзім жетті.
Ал Махмұдтан бөлек, 57 келі салмақтың финалында қазақстандық Серік Теміржанов АҚШ боксшысы Жамал Харвиге есе жіберіп, күміс медаль иеленді. 67 келіде қазақстандық Абылайхан Жүсіпов қола медаль алды.
Қазақстан 2013 жылдан бері алғаш рет әлем чемпионатында екі алтын иеленді. Бұл күллі қазақ халқы үшін тамаша жетістіктерінің бірі. Алайда, осынау ақсарбас айтқан шақта, тағы да басқа жағдайлар елді елең еткізіп отырды. Соның ішінде "ДИКИЙ АРМАН" ТАРАТҚАН 2000 ДОЛЛАР айналасындағы дауға да тоқтала кетуді жөн көрдік!
Әлем чемпионатында Қазақстан боксшыларының нәтижесінен бөлек криминалдық авторитет ретінде белгілі Арман Жұмагелдиевтің Белградтағы әрекеттері де жанкүйер назарына ілінді.
Бағжан Бақберген

Видео СҰМДЫҚ! БОКСШЫЛАРДЫ САБАП ТАСТАДЫ/ДИКИЙ АРМАН ЕЛДІ ШУЛАТТЫ/ӨЗТҮРІК СПОРТШЫЛАРДЫ ҚОРҚЫТТЫ!😱 канала KÓRGEN DURYS