"Söküntü işçiləri bizə hədə-qorxu gəlir"

10 gündür ki, Qurban Abbasov küçəsinin sakinləri evlərinin söküntü təhükəsi ilə üz-üzədirlər. “Dönüş-1” MMC şirkəti pilot layihə adı ilə yaşayış evlərinə bitişik olan hissələrdə söküntü aparır.
- 65 yaşım var, hələ belə qanunsuzluq görməmişdim. Bax, indi də traktoru işə salıb uçururlar. Oğlumun evinin yanını da uçurdular. Bu, heç bir çərçivəyə sığmır. Belə şey olarmı?
- Bu sökülən evlər mənimdir. Evimin sağını da söküblər, solunu da. Üstünü də götürüblər.Yağış yağsa, mən küçədə qalacam.
Sakinlər iddia edir ki, Səbail rayonunda yerləşən bu ərazi Əli Həsənov adlı şəxs tərəfindən hələ 10 il əvvəl alınsa da, hasarlanmış yerlərdə söküntü indi başlanıb. Sakinlərə evlərindən köçürülmə ilə bağlı isə heç bir məlumat verilmir.
“O gün məni çağırıb deyir ki, nəvələrin məktəbə gedir, qorxmursan onlardan sən? Nəyindən qorxmalıyam? Bu kimdir? Deyir qanun da mənəm, hökumət də. Nə şikayət etsəz, yenə mənə gələcək”- sakin deyir.
Reyestr məlumatlarında “Dönüş-1”MMC-nin 2016-cı ildə yarandığı göstərilir. Qanuni təmsilçi də haqqında bəhs olunan Əli Həsənov adlı şəxsdir. Onunla əlaqə saxlasaq da, söküntü ilə bağlı sualları cavablamadı:
“Mən orada yoxam, xanım”.
Səbail Rayon İcra Hakimiyyətindən verilən məlumata əsasən, Bayılda pilot layihə əsasında sərəncam verilən şirkətlər söküntü aparır. “Dönüş-1” MMC-yə söküntü aparmağa icazə verilibmi? İşlərinə nəzarət edilirmi? Bu suallara isə icra hakimiyyətində cavab verən olmadı.
Karina Əliyevanın evinin ətrafında bir neçə gündür dayanmadan söküntü gedirdi. O da evinin yaxşı vəziyyətdə olduğunu və şirkətlə razılığa gələ bilmədiyini deyirdi.
Çəkilişdən sonra isə qadının evi gözlənilmədən uçurulur.
Nazirlər Kabinetinin 2016-ci ildə verdiyi 86 nömrəli qərarına əsasən Bakının 9 rayonunda qəzalı vəziyyətdə olan binalar sökülməlidir. Qərara görə, Səbail rayonu üzrə 41 yaşayış binasının söküntüsü nəzərdə tutulub. Onların yerində yeniləri tikilməlidir. Qərarda yazılır ki, hüquqi və fiziki şəxslərin mülkiyyətində, yaxud istifadəsində olan torpaq sahələri onların razılığı ilə dəyəri ödənilməklə əldə edilməli və ya həmin torpaq sahələrinin əvəzləşdirilməsinə şərait yaradılmalıdır.
Sakinlər isə evlərinin qəzalı olmadığını deyirlər. Söküntü ilə bağlı da onlarla heç bir danışıq aparılmayıb.
Kanala abunə ol - https://goo.gl/TcM9Fm

WebSite: http://www.meydan.tv
Facebook: http://fb.com/MeydanTelevision
Twitter: http://twitter.com/MeydanTV
Google+ https://plus.google.com/+MeydanTelevision/posts
İnstagram: http://instagram.com/meydantv

__
Xəbərdən çox xəbər var. #çəkgöndər yayımlayaq #whatsapp : +49 176 16263646

Видео "Söküntü işçiləri bizə hədə-qorxu gəlir" канала MeydanTV