Дмитрий и Ньургуяна Шадрины, Степан Петров - Мутукчам сыта

Петр Тобуруокап тыллара
Аркадий Алексеев мелодията

Оһуордаах бичик
Унаар саас кэлэн,
Сиэдэрэй мичик
Сибэкки тиллэн,

Сүрэхпэр киирдэ,
Сүһүөхпэр түстэ,
Мутукчам сыта,
Мутукчам сыта!

Ырыалаах чыычаах
Ыллыкка хаамтым,
Кэрэлээх чугдаар
Кэриитэ киирдим,

Дууһабар иҥнэ,
Долгутан кээстэ
Мутукчам сыта,
Мутукчам сыта!

Кылбараҥ маҥан
Кырдалга турдум,
Күөрэгэй көрүн
Көҕуйэ көрдүм,

Мүөтүнэн биллэ
Муннубар кэллэ
Мутукчам сыта,
Мутукчам сыта!

Эдэркээн сааспар
Эҕэрдэ этэ,
Итиикэн хааммар
Иэйиини күүрдэ

Сүрэхпэр киирдэ,
Сүрэхпин үөртэ
Мутукчам сыта,
Мутукчам сыта!

Видео Дмитрий и Ньургуяна Шадрины, Степан Петров - Мутукчам сыта канала Udjuor Ustar