ՎՏԱՆԳԱՎՈՐ Է` Հայաստանի դեմ․ Ինչու՞ է Էրդողանը Վրաստանին ներքաշում վտանգավոր խաղի մեջ

Էրդողանի վարչակազմին մոտ կանգնած «Թյուրքիե» թերթը պնդում է, որ թուրք-ադրբեջանա-վրացական զորավարժությունների նպատակներից մեկը Հայաստանին վախեցնելն է։ Իսկ Թբիլիսիի ինչի՞ն է դա պետք` փորձել է հասկանալ Սպուտնիկ Արմենիայի սյունակագիրը։
Անկարայի մերձակայքում գտնվող զորավարժարանում շարունակվում են Թուրքիայի, Ադրբեջանի և Վրաստանի համատեղ զորավարժությունները։ Սա Արցախյան 44-օրյա պատերազմից հետո առաջին նման միջոցառումն է, որին վրացի զինվորականները մասնակցում են ադրբեջանցի և թուրք գործընկերների հետ համատեղ։
Թուրք-ադրբեջանա-վրացական զորավարժությունները, որոնք կոչվում են «Կովկասյան արծիվ», սովորաբար անցկացվում են երկու տարին մեկ։ Մասնակցում են 3 բարեկամ երկրների հատուկ նշանակության ուժերի ներկայացուցիչները։ Բայց այս տարի որպես ինքնուրույն կողմ հիշատակվում է նաև Նախիջևանի ինքնավար մարզը, որը, ինչպես հայտնի է, միջազգային սուբյեկտ չի հանդիսանում։ Բացի այդ, որպես դիտորդ զորավարժություններին մասնակցում են ուկրաինացի զինվորականները։
Թուրք, ադրբեջանցի և վրացի հատուկ ջոկատայինների վարժանքներն անցկացվում են 2009 թվականից ի վեր: Սրանք արդեն հինգերորդ նման զորավարժություններն են։ Առաջին երկու անգամը դրանք անցկացվել են Թուրքիայում, երրորդ անգամ` 2017 թ․-ին՝ Վրաստանում։

Նյութի աղբյուր՝ armeniasputnik.am

#lurer #hayastan #vrastan #adrbejan #turkia #rusastan #aliev #francia

Видео ՎՏԱՆԳԱՎՈՐ Է` Հայաստանի դեմ․ Ինչու՞ է Էրդողանը Վրաստանին ներքաշում վտանգավոր խաղի մեջ канала Banber News