DËSHMI | 30 vite nga shembja e murit që ndante një qytet, një shtet dhe një kontinent

9 nëntori shënon një datë të rëndësishme në kalendar, për Gjermaninë dhe të ardhmen e Europës: shkatërrimin përfundimtar të murit të Berlinit, 9 nëntor 1989. Muri i Berlinit ishte një barrierë konkrete, që fizikisht dhe ideologjikisht ndau Berlinin dhe Gjermaninë, për plot 28 vjet.

Ndërtimi i murit u urdhërua nga Republika Demokratike Gjermane nën komandën e Moskës, më 13 gusht 1961. Muri ndau për thuajse 3 dekada, Berlinin perëndimor gjithë Gjermania Lindore, përfshirë edhe Berlinin Lindor. Qëllimi ishte parandalimi i emigrantëve nga blloku lindor drejt perëndimit, kryesisht drejt Spanjës, Francës dhe Anglisë. Muri filloi të ndërtohej në 13 gusht 1961 dhe mbaroi në datën 24 gusht 1962.

Barriera ishte e lartë, një mur prej betoni 3 metra dhe që përshkonte të gjithë Berlinin, duke e ndarë atë për plot 28 vite. Në të bënin pjesë dhjetëra kulla vrojtimi dhe dyer kalimi, përfshi edhe të famshmen “Pikë kalimi Çarli”. Konsiderohej si linja e hekurt midis dy botëve të kundërta përgjatë gjithë kohës së luftës së ftohtë. Shkatërrimi i tij shënoi fillimin e krisjes së komunizmi në Europë.

Edhe pse muri u ndërtua, 5 mijë vetë arritën të arratisen drejt Gjermanisë Perëndimore, por rreth 150 vetë u vranë duke u përpjekur për një jetë më të mirë për ta dhe familjen e tyre.
- - -

Shkarkoni aplikacionin A2: https://www.a2news.com/app

https://www.a2news.com
https://www.facebook.com/A2CNN/
https://www.instagram.com/a2cnn/
https://twitter.com/a2_cnn

#A2 #A2NEWS

A2 NEWS | CNN Exclusive News Channel Affiliate

Видео DËSHMI | 30 vite nga shembja e murit që ndante një qytet, një shtet dhe një kontinent канала A2 CNN