ರಾಮ ರಾಮ ರಾಮ ಎನ್ನಿರೋ | Rama rama rama enniro | Padmaja Vasudevachar | kum. Dhanyaa.

ರಾಮ ನವಮಿ ನವರಾತ್ರಿ ಉತ್ಸವದ ಗಾನ ಸೇವೆ
ರಾಮ ರಾಮ ರಾಮ ಎನ್ನಿರೋ.
ರಚನೆ ಶ್ರೀ ಪುರಂದರದಾಸರು.

ರಾಗ : ಪುನ್ನಾಗವರಾಳಿ.
ತಾಳ : ಏಕ.

ರಾಮ ರಾಮ ರಾಮ ಎನ್ನಿರೋ ಇಂಥ
ಸ್ವಾಮಿಯ ನಾಮವ ಮರೆಯದಿರೋ ||ಪ||

ತುಂಬಿದ ಪಟ್ಟಣಕೊಂಭತ್ತು ಭಾಗಿಲು |
ಸಂಭ್ರಮದರಸುಗಳ್ ಐದು ಮಂದಿ ||
ಡಂಭಕತನದಿಂದ ತಿರುಗುವ ಕಾಯವ |
ನಂಬಿ ನೆಚ್ಚಿ ನೀವು ಕೆಡಬೇಡಿರೊ ||1||

ನೆಲೆ ಇಲ್ಲದೀಕಾಯ ಎಲುವಿನ ಹಂದರ
ಹೋಲಿದು ಹೋದ್ದಿಸಿದ ಚರ್ಮದ ಹೊದಿಕೆ||
ಮಲಮೂತ್ರಗಳು ಮಾಂಸ ರಕ್ತದ ರಾಶಿಯು |
ಹೊಲಸು ದೇಹವ ನೆಚ್ಚಿ ಕೆಡಬೇಡಿರೊ ||2||

ತೊಗಲು ಬೊಂಬೆಯ ಮಾಡಿ ಜಗದೋಳು ನಿಲ್ಲಿಸಿ |
ನೆಗೆದಾಡಿಸಿ ಹೊತ್ತು ಹೋಗುವಂತೆ ||
ಲಗುಬಗೆಯಿಂದಲಿ ಉಬ್ಬುವ ಕಾಯವ |
ಹಗಲು ಇರುಳು ನೆಚ್ಚಿ ಕೆಡಬೇಡಿರೋ ||3||

ಮಡದಿಯು ಮಕ್ಕಳು ಒಡವೆಗಳುಂಟೆಂದು |
ಕಡು ಕೊಬ್ಬುತನದಿಂದ ತಿರುಗಬೇಡವೋ ||
ಪಿಡಿದೆಳೆತಾರೆಂದು ಯಮನು ಪೀಡಿಸಲಾಗ |
ಒಡನೆ ಆರೊಬ್ಬರೂ ಬಾಹೋರಿಲ್ಲವೋ ||4||

ಹರ ಬ್ರಹ್ಮ ಸುರರಿಂದ ವಂದಿತನಾಗಿಪ್ಪ|
ಹರಿ ಸರ್ವೋತ್ತಮನೊಬ್ಬನೆ ಕಾಣಿರೋ||
ಪುರಂದರವಿಠಲನ ಸ್ಮರಣೆಯ ಮಾಡಲು |
ದುರಿತ ಪರ್ವತವೆಲ್ಲ ಪರಿಹಾರವೋ ||5||

🙏ಶ್ರೀಕೃಷ್ಣಾರ್ಪಣಮಸ್ತು 🙏

🙏Sri krishnaarpanamastu 🙏

Видео ರಾಮ ರಾಮ ರಾಮ ಎನ್ನಿರೋ | Rama rama rama enniro | Padmaja Vasudevachar | kum. Dhanyaa. канала putti paddu