Gələn həftə sərt karantin başlanır? - Sevinc Telmanqızı ilə ekspertlər "Canlı debat"da

Azərbaycan Rusiyanın sözünü yerə salıb, erməni terrorçuları təhvil vermədi. Bu, nədən xəbər verir? Əsaslandırma odur ki, 10 noyabr 2020-ci il tarixində imzalanan üçtərəfli bəyannamədən sonra Azərbaycan tərəfdə yaxalanan erməni silahlıları cinayətkar kimi həbs edilib. Azərbaycan tərəfin bu qətiyyətli addımı Ermənistanı qarışdırıb. Ermənistan tərəfin minalanmış ərazilərin xəritəsini vermədiyi üçün həmin terrorçuları ölkələrinə verilməməsi deyilir.
İki gün öncə YAP-çı deputat Siyavuş Novruzovun TV Müsavatın efirinə içkili gəlməsi ilə bağlı iddialar və ona cavablar nələrdir?

10 noyabr kapitulyasiya sənədinin imzalanmasından 5 ay ötür. Ötən müddətdə bu sənəd Azərbaycana və Ermənistana nə verdi? Onun hələ də reallaşmayan bəndləri var. Proqnozlar necədir, bu saziş Azərbaycanla Ermənistan arasında sülh müqaviləsinin əsasında dura biləcəkmi? Kommunikasiyalar nə vaxt açılacaq və Ermənistandakı seçkilər rəsmi İrəvanın əlində bəhanə rolu oynaya bilərmi?

Korona olayları. Son günlərin yoluxma dinamikasının təhlili nə deyir? Bazar ertəsindən karantin sərtləşdirilə bilərmi? Vaksinasiyanın gedişi. Sabah jurnalistlərin vaksinasiyasına başlanır. Avropada qadağan edilən peyvənd (Astra/Prefizer – ölümcül tromb yaratdığı üçün) bizim ölkəyə də gətirilib. Onun tətbiqi nə yerdədir?

Vaksin vurdurmaq istəməyən müəllimlərdən poliklinikadan arayış gətirməyi tələb edirlər. Bu, nə dərəcədə qanunidir? Peyvəndləmə könüllü deyil ki? Məcburi olarsa və peyvənddən sonra insanın başına bir iş gələrsə, nəticəyə görə kim cavabdeh olacaq? Ötən həftə DİN açıqlama yaydı ki, peyvəndləmə könüllüdür və imtinaya görə qanunda heç bir inzibati cəza, cərimə nəzərdə tutulmur.

Rusiyanın baş prokuroru İqor Krasnov Azərbaycan Respublikasının baş prokuroru Kamran Əliyevin dəvəti ilə Bakıya rəsmi səfərə gəlib. Baş Prokurorluqdan verilən məlumata görə, hər iki qurum rəhbərləri ikitərəfli qarşılıqlı fəaliyyətin müxtəlif aspektlərini, prokurorluq fəaliyyətinin ən aktual məsələləri üzrə birgə tədbirlərin keçirilməsinin perspektivlərini müzakirə etmək və bir sıra ikitərəfli sənədləri imzalamaq niyyətindədirlər.
Tərəflər arasında Azərbaycanın haqqında cinayət işi qaldırıb beynəlxalq axtarışa verdiyi ermənilərin tutulub Azərbaycana təhvil verilməsində yardım məsələsi də diqqət mərkəzində olacaqmı? Xatırladaq ki, ötən il Moskva görüşü zamanı Kamran Əliyev bu məsələdə Krasnovdan kömək istəmişdi. Məlumdur ki, həmin cinayətkarlar (Balasanyan, Babayan, Arutyunyan və digərləri) vaxtaşırı Rusiyaya səfərlər edirlər. Üstəlik, quldur-canilər Qarabağda rus sülhməramlıların nəzarət elədiyi ərazidədir və mütəmadi olaraq Azərbaycan dövlətinin konstitusiya quruluşu əleyhinə təxribatçı bəyanatlar verirlər.
Krasnov Bakıdan bir gün qabaq İrəvanda olub.

Moskva və Kiyev arasında gərginlik pik həddə yaxınlaşmaqdadır. Sabah (10 aprel) Ukrayna prezidenti Zelenski ilə Ərdoğanla Ankarada müharibə öncəsi kritik görüş gözlənilir. Zelenski Donbasda vəziyyətin kəskinləşməsi, Rusiyanın sərhədə qoşun cəmləşdirməsi və irimiqyaslı müharibə riskinin artması fonunda Türkiyəyə səfər edəcək. O da məlumdur ki, Ukrayna Türkiyədən “Bayraktar TB2” döyüş pilotsuz təyyarələrinin iri partiyasını alıb, habelə bu təyyarələrin birgə istehsalı barədə razılıq əldə olunub.
Türkiyənin Ukrayna qərarı və ya seçimi necə olacaq? Ki, Rusiya ilə inkişafda olan münasibətlər də zərər görməsin? Ərdoğan tərıflər arasında vasitəçi ola bilərmi? Bu arada Rusiya prezident administrasiyası rəhbərinin müavini Dmitri Kazak Ukraynanı hədələyərək deyib ki, Kiyev hərbi əməliyyatlara başlasa, bu, Ukraynanın sonunun başlanğıcı olacaq. Bu informasiya savaşının elementidir, yoxsa real hədə?

"Türkiyə ordusu ilə birlikdə təlimlər keçirə bilərik, zabitlərimiz orada təhsil ala bilər. Hərbi əməkdaşlığımız inkişaf edə bilər. Amma Türkiyə Ordusunun hərbi bazasının Azərbaycanda yerləşməsi üçün siyasi və hərbi zərurətin olduğunu görmürəm”. Bunu Sfera.az-a açıqlamasında Zərdüşt Əlizadə deyib. Son vaxtlar artan birgə hərbi təlimlər fonunda bu mövzu tez-tez gündəmə gəlir.

Видео Gələn həftə sərt karantin başlanır? - Sevinc Telmanqızı ilə ekspertlər "Canlı debat"da канала Tv Musavat