Ruslar TƏSDİQLƏDİ - Laçının Mərkəzinə 10 KM QALDI

#Qubadli #Lacin #Kelbecer
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83
Laçın rayon mərkəzinə təxminən 10-12 kilometr məsafə qalıb…
Noyabrın 2-də Ali Baş Komandan İlham Əliyev Cəbrayıl, Zəngilan və Qubadlı rayonlarında daha 8 kəndin azad edildiyi barədə müjdə verib. Xəbəri şərh edən “Turan” Agentliyi yazır ki, Zəngilan rayonunun Dərə Gilətağ, Qubadlı rayonunun İşıqlı və Muradxanlı kəndlərinin azad edilməsi mühüm əhəmiyyət kəsb edir. Onlar Dağlıq Qarabağa strateji yolun keçdiyi Laçın rayonuna sıx birləşirlər. Azad edilmiş kəndlərdən Laçın yoluna və Laçın rayon mərkəzinə məsafə təxminən 10-12 kilometrdir.
Videoya keçməzdən əvvəl aşağıda yerləşən bəyən düyməsinə basaraq bizə dəstək ola bilərsiniz.
Laçın alayının sabiq komandiri, polkovnik Arif Paşa da teleqraf.com-a müsahibəsində bildirib ki, çətin relyefə baxmayaraq, Laçını azad etmək mümkün və realdır: “Sadəcə, relyefin mürəkkəbliyi olanda müəyyən hərbi əməliyyatların keçirilməsində lənglik yaranır. Başqa sözlə, relyef, hava şərtləri mürəkkəb olanda müdafiə olunmaq hücum etməkdən daha asan olur. Laçında müdafiə olunmaq ora hücum etməkdən qat-qat asan və münasibdir. Düzəngahda hücum etmək asandırsa, dağ şəraitində bu, mürəkkəbdir. Çünki dağlar həm də təbii istehkamdır. Ona görə də belə mürəkkəb dağlıq şəraitdə tələskənlik lazım deyil. Hücumda qələbənin əsas rəhnlərindən biri səbrli, təmkinli olmaqdır. Belə yerlərdə hər şəraiti nəzərə alıb ehtiyatlı addımlar atılmalı, ərazi minalardan təmizlənməlidir. Sevindirici odur ki, ordumuz bu istiqamətdə səbrli, soyuqqanlı və tələskənlik nümayiş etdirmir. Laçın Ermənistanı Dağlıq Qarabağla bağlayan qurşaqdır.
Buranın ordumuzun nəzarətinə keçməsi ilə Dağlıq Qarabağın nəfəsliyi bağlanmış olur. İkincisi, Laçının azad edilməsi həm də Şuşaya nəzarətin əldə edilməsi deməkdir. Üstəlik, Laçının azad edilməsi Şuşanın etibarlı müdafiə olunması deməkdir. Laçın və Şuşa eyni dairəvi müdafiənin komponentləridir. Laçın və Şuşa döyüş meydanlarında kürək-kürəyə söykənən səngərlər kimidir. Birinin varlığı digərinin olmasını şərtləndirir. Birinin süqutu digərinin süqutuna səbəb ola bilər. Odur ki, Laçının geri alınması dəhlizin bağlanması ilə paralel olaraq Şuşanın etibarlı qorunması baxımından xüsusi əhəmiyyətə malikdir”.
Azərbaycan Demokratiya və Rifah Hərəkatının sədri Qubad İbadoğlu da Ordumuzun uğurlu hərbi əməliyyatı və Laçın koridoru ilə bağlı fikirlərini bölüşüb. Azərbaycan ordusu əksinə Gorus-Laçın-Şuşa-Xankəndi yolunu bilərəkdən açıq saxlamaqla erməni hərbiçilərinin Qarabağı tərk etməsinə şərait yaradır, Laçın yolunu indiyədək açıq saxlayır və geri dönənlərə maneçilik törətmir. Göründüyü kimi, Paşinyanın yeganə çıxış yolu təslim olmaqdır. Əks təqdirdə yalnız Qarabağı deyil, Ermənistanı da itirə bilər. Gözlədiyimiz bütün xoş xəbərləri bu həftə eşidəcəyik.
Qeyd edək ki, ötən gün Rusiyanın nüfuzlu “Moskovskiy komsomolets” qəzeti də döyüşlərin Ermənistan və Qarabağ erməniləri üçün strateji əhəmiyyətli Laçın yolunun bir neçə kilometrliyində getdiyini yazıb. Nəşr bu yolun ələ keçiriləcəyini “Artsax” adlanan qondarma qurumun tam məğlubiyyəti kimi izah edib.
Hərbi ekspertlər Rusiya nəşrinə deyib ki, Laçın şəhərlərinin Azərbaycan ordusunun nəzarətə keçirilməsi erməni silahlı qüvvələrinin mühasirəyə düşməsi, Qarabağdakı qondarma rejimin isə süqutu demək olacaq.

Видео Ruslar TƏSDİQLƏDİ - Laçının Mərkəzinə 10 KM QALDI канала Bir Bax