«Атамекен» палатасы кәсіпкерлердің емес, жеке топтардың мүддесін қорғап жүргені рас па?

Еліміздегі салалық және өңірлік қауымдастық өкілдері 18 ақпанға жоспарланған «Атамекен» ұлттық кәсіпкерлік палатасының кезектен тыс съездін заңсыз деп отыр. Оларға мұндай асығыстықтың себебі түсініксіз. Сөздерінше, палата бизнес бірлестіктеріне хабарламаны кеш жіберген. Ал заң бойынша 45 күн бұрын айтулары қажет екен. Бұл аралықта кәсіпкерлер палата қызметін реформалауға қатысты ойларын жүйелеп, ұсыныстарын дайындап келуге мүмкіндіктері болар еді. Сондықтан олар, мұндай шешім қабылдаған төралқа мүшелері мен басқарма төрағасы Абылай Мырзахметов өз еркімен өкілеттігін тоқтатсын деп отыр.
Салалық қауымдастық өкілдері «Атамекен» бизнесті қолдамақ түгілі, қорғап та жатқан жоқ дейді. Яғни, соңғы жеті жыл ішінде кәсіпкерлердің емес, тек жеке топтардың мүддесі қорғалған. Соның салдарынан Үкіметте көтерілген мәселе көбіне оң шешімін таппай келіпті. Мәселен, түрлі-түсті металл, мал, тері, күнбағыс майын экспорттауға салынған тыйым салалық кәсіпке айтарлықтай соққы болған. Сондықтан қазір палатаға деген сенім жоқтың қасы.
Сол үшін «Атамекенді» реформалап, қайта құрғанда жұмыс жүйесін түбегейлі өзгерту керек дейді олар. Әрі ақпанның 18-іне жоспарлаған жиынды құрылтай емес, бизнес конференция не қазіргі проблемаларды талқылайтын бас қосу есебінде өткізу қажет деп санайды. Себебі аз уақытта бүтін бір ұйымды реформалау мүмкін емес екен.
Ал барлық ұсыныстар дайын болғанда шағын және орта кәсіпті қорғауға қауқарлы, қолдай алатын қауымдастық құрылады. Сол кезде мүшелікке міндеттеу, жарна төлеу жайы да бір шешімін табады. Сондай-ақ, бірлестік өкілдері палатаны қайта құрған күннің өзінде әкімшілік басқару принципін алып тастап, құрамына тек салалық, кәсіби, аумақтық қауымдастықтар мен шағын және орта бизнес субъектілерін кіргізуге тиіспіз деді. Тиісінше, жарна да соған сәйкес бекітіліп, төленеді.
МАҚСҰТ БАҚТЫБАЕВ, «Қазақстанның ет одағы» қауымдастығының бас директоры:
– Бұл шиеленістің барлығы кәсіпкерлік палатасының бизнес пен салалық қауымдастықтардың мүддесін қорғамағанынан болып отыр. Мұны толық өзгерту керек. Ал «Атамекеннің» бір ғана пайдасы бар яғни, кез келген мемлекеттік органдар мен ведомствалар шешімді келісіп барып қабылдайды. Біз осы функциясын қалдырғымыз келеді. Қалғаны маңызды емес. Ол қауымдастық бола ма, салалық палата бола ма...
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Атамекен #бизнес #лобби

Видео «Атамекен» палатасы кәсіпкерлердің емес, жеке топтардың мүддесін қорғап жүргені рас па? канала Информбюро 31