Qirg'izistonda yangi konstitutsiya bo'yicha referendum

11-aprel kuni Qirg’izistonda yangi konsitutsiya bo’yicha referendum va mahalliy hokimiyat organlariga saylovlar bo’lib o’tdi. Bishkekda ovoz bergan Prezident Sadir Japarovning aytishicha, bosh qomusning yangi tahriri 100 ga yaqin qirg’iz ekspertlari tomonidan tuzilgan va “ko’plab mamlakatlardan nusxa olingan” konstitutsiyaning o’rnini bosadi.

Konstitutsiyaga kiritilayotgan o’zgartirishlar, jumladan, parlamentdagi o’rinlarni qisqartiradi; prezidentga deyarli barcha sudyalarni va huquq-tartibot organlari rahbarlarini tayinlash vakolatini beradi; prezidentlikka ikki muhlat saylanishga yo’l ochadi.

Japarovning ta’kidlashicha, taklif qilinayotgan o’zgartirishlar 2005-yildan buyon uch qo’zg’olonni boshdan kechirgan respublikada “tartib o’rnatish” uchun zarur.

Видео Qirg'izistonda yangi konstitutsiya bo'yicha referendum канала @AmerikaOvozi